22/09/2018 03:41

Valyuta USD EUR RUB TRY
Kurs 1.7000 2.0024 0.0256 0.2727


Mədəniyyət

"Sevdiyim" layihəsi Masallıda təqdim olundu


16.05.2018   07:05


Mayın 15-də Masallı şəhərindəki “ASAN həyat” kompleksində ümummilli lider Heydər Əliyevin anadan olmasının 95, Azərbaycan Xalq Cümhuriyyətinin yaranmasının 100 illik yubileylərinə həsr olunmuş "Sevdiyim" layihəsinin təqdimatı olub.

Tədbirdə çıxış edən ASAN Radionun direktoru Emin Musavi layihə haqqında məlumat verərək bildirib ki, "Sevdiyim" layihəsi "ASAN xidmət", "ASAN Könüllüləri" Təşkilatı və ASAN Radionun birgə təşkilatçılığı ilə reallaşıb.

Layihənin məqsədi tarixi ənənələrin qorunması və təbliği, milli mənəvi dəyərlərə sadiqlik, azərbaycançılıq, dövlətçilik məfkurəsinin genişləndirilməsidir.

Layihə çərçivəsində görkəmli şair, dramaturq Cəfər Cabbarlının üçrəngli Azərbaycan bayrağına həsr olunmuş "Sevdiyim" şeiri əsasında yüzillik tariximizin əks olunduğu klip ərsəyə gəlib. Əsərin bəstəkarı və ifaçısı Əməkdar Artist Tünzalə Ağayeva, klipin rejissoru Ülviyyə Könüldür.

Mərasimdə çıxış edən Masallı Rayon İcras Hakimiyyətinin başçısı Rafil Hüseynov layihənin əhəmiyyətini yüksək dəyərləndirərək qeyd edib ki, bu günlərdə dünya azərbaycanlıları ulu öndər Heydər Əliyevin anadan olmasının 95 illiyini geniş şəkildə qeyd etdi.

Ümummilli Liderin Azərbaycan dövləti və xalqı qarşısındakı misilsiz xidmətlərindən danışan R.Hüseynov bildirib ki, Ulu Öndər Azərbaycanı məhv olmaq, müstəqilliyini itirmək təhlükəsindən xilas etdi. Heydər Əliyev xalqımızın yaddaşına əbədi həkk olunmuş dahi şəxsiyyətdir. Onun Azərbaycana rəhbərliyinin hər iki dövründə gördüyü misilsiz işlər heç vaxt unudulmayacaq.

Qeyd olunub ki, böyük rəhbərimiz dövlət rəmzlərini, xüsusən, dövlət bayrağını həmişə diqqət mərkəzində saxlayıb. O, Azərbaycan Respublikasının dövlət rəmzlərinə hörməti Vətənə, xalqa, dövlətə olan məhəbbət və hörmətə bərabər tuturdu.

Diqqətə çatdırılıb ki, bu gün Ulu Öndərin siyasəti Prezident İlham Əliyev tərəfindən uğurla davam etdirilir. Ümummilli Liderin qoyduğu təməllər üzərində güclü dövlət qurulub. Azərbaycanda siyasi sabitlik hökm sürür, iqtisadiyyat inkişaf edir və müstəqil xarici siyasət aparılır. Üçrəngli bayrağımız BMT, Avropa Şurası, ATƏT və digər nüfuzlu beynəlxalq təşkilatların binaları üzərində dalğalanır.

Sonra "Sevdiyim" şeiri əsasında yüzillik tariximizin əks olunduğu klip təqdim edilib.

Əsərin bəstəkarı və ifaçısı, Əməkdar Artist Tünzalə Ağayeva kliplə bağlı təəssüratlarından danışıb. Tədbir maraqlı konsert proqramı ilə davam edib. 




Xəbər lenti

21 Sentyabr











ASAN Radio telefonunuzda
Facebook