“ASAN Könüllüləri” Təşkilatı və “AccessBank”ın birgə təşkilatçılığı ilə həyata keçirilən “AİM - ASAN İnkişaf Modeli” layihəsi başa çatıb.
“AİM” sosial proqramının əsas məqsədi regionlarda təhsil alan şagirdlərin tənqidi və tətbiqi düşünmək bacarıqlarını, o cümlədən yaradıcı, məntiqi təfəkkürünü inkişaf etdirməkdir.
Sosial proqram çərçivəsində 4 aprel tarixindən 7 fərqli bölgədə görüşlər baş tutub, 2000-dən çox şagirdə prioritet ixtisaslar, özünü inkişaf, psixoloji mövzularda təlimlər keçirilib, iştirakçıların sualları cavablandırılıb, həmçinin, aktiv şəxslərə hədiyyələr təqdim edilib.
Proqram Bakı, Şirvan, Sabirabad, Masallı, Cəlilabad, Qəbələ və İsmayıllıda 9-11-ci sinif şagirdlərini əhatə etməklə bir neçə hissəli təlim-seminarlar şəklində həyata keçirilib.
Həmçinin, layihə müasir və innovativ texnoloji yeniliklər, “Facebook”, “İnstagram”, “Twitter” kimi böyük sosial şəbəkələrdən faydalı istifadə və dünya trendlərinə düzgün qoşulma mövzularını əhatə edib.
Qeyd edək ki, “AİM” sosial proqramı gələcəkdə respublikamızın digər regionlarını da əhatə edəcək.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!