25/06/2018 23:25

Valyuta USD EUR RUB TRY
Kurs 1.7000 1.9810 0.0269 0.3654


Dövlət qurumları

Qida məhsulları "bir pəncərə" prinsipi ilə qeydiyyata alınacaq


18.05.2018   14:34


Qida məhsulları "bir pəncərə" prinsipi ilə qeydiyyata alınacaq.

ASAN Radio xəbər verir ki, bunu Qida Təhlükəsizliyi Agentliyini sədri Qoşqar Təhməzli jurnalistlərə müsahibəsində bildirib.

Onun sözlərinə görə, qanuna əsasən ölkədə qida zəncirinin bütün mərhələlərində iştirak edən sahibkarlıq subyektləri qida təhlükəsizliyi qeydiyyatından keçməklə məhsullarını reyestrə salacaqlar.

Agentliyin sədri bildirib ki, qida təhlükəsizliyi qeydiyyatına düşən müəssisələr ixrac etdikləri məhsullara qida təhlükəsizliyi sertifikatı alacaqlar.

Eyni zamanda, idxalçı dövlətin istəyinə uyğun olaraq əgər müəssisəyə fitosanitar və baytarlıq nəzarətindən keçmək tələb olunarsa, agentlik bu sertifikatı verəcək. Qida Təhlükəsizliyi qeydiyyatı "ASAN xidmət"in "bir pəncərə" prinsipi ilə həyata keçiriləcək. Qeydiyyat qida təhlükəsizliyi kartı ilə veriləcək. Sertifikat üçün tələb olunan rüsumlar artıq Tarif Şurasına təqdim olunub. Təsdiq olunandan sonra rüsumların ödənilməsi "ASAN xidmət"in müvafiq bölmələrində həyata keçiriləcək.




Xəbər lenti

25 İyun













ASAN Radio telefonunuzda
Facebook