USD - 1.7 EUR - 1.9288 RUB - 0.0264 TRY - 0.311 DAHA ÇOX
SON DƏQİQƏ
Azərbaycan və İran dövlət sərhədində Novruz belə qeyd edildi - FOTOLAR Sabah hava necə olacaq? Avtovağzallarda gücləndirilmiş iş rejiminin müddəti artırılıb Quba-Xınalıq yolu  bağlandı - qar uçqunlarına görə Birinci vitse-prezident Mehriban Əliyeva Dariqa Nazarbayevanı təbrik edib
ATU rektoru doktorant və dissertantlarla görüşdü

Azərbaycan Tibb Universitetinin (ATU) rektoru, professor Gəray Gəraybəyli doktorant və dissertantlarla görüşüb.

Universitetin mətbuat xidmətindən ASAN Radioya verilən məlumata görə, elmin böyük əhəmiyyəti barədə danışan rektor qeyd edib ki, bu, çox çətin, eyni zamanda, da böyük məsuliyyət tələb edən bir işdir: “Elm sahəsinə hər il yeni tələblər qoyulur. Məsələn, bu ilin fevralında keçirilən Səhiyyə Nazirliyi, Azərbaycan Milli Elmlər Akademiyası (AMEA) və ATU-nun birgə elmi konfransında bir çox elmi və təşkilati işlər müzakirə olunub, tibb elminin qarşısında dayanan vəzifə və tələblərdən danışılıb. Əvvəlki illərlə müqayisədə indi elm adamından daha çox əmək tələb olunur. Məsələn, xarici dili yüksək səviyyədə bilmək, xarici ədəbiyyatdan, müasir üsullardan istifadə qaydaları, etik normalar kimi tələblər 5 il bundan əvvəl yox idi. İndi istənilən tədqiqat işi mütləq etik komitənin təsdiqi ilə aparılmalıdır. Kliniki tədqiqatlarda buna çox diqqət yetirilməlidir. Biz çalışacağıq ki, tibbi sahədə elmi adı olanın yüksək intellektual səviyyəsi, geniş dünyagörüşü və profesionallığı olsun.

Rektorun dediyinə görə, hər bir doktorant və dissertant universitetdə yeni yaradılan problem komissiyası qarşısında hesabat verməlidir. O, gənc alimləri hər il ATU-da keçirilən konfranslarda iştirak etməyə dəvət edib.

ATU-nun elmi işlər üzrə prorektoru Rauf Bəylərov çıxış edərək tədbir iştirakçılarının qarşısında duran vəzifələr haqqında geniş məlumat verib.

Yeri gəlmişkən xatırladaq ki, bu il ATU-ya 26 doktorant və 24 dissertant qəbul olunub.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio