USD - 1.7 EUR - 1.9314 RUB - 0.0256 TRY - 0.3176 DAHA ÇOX
SON DƏQİQƏ
"Formula 1" Azərbaycan Qran Prisi ən yaxşı yarışlardan biri seçilib Prezident İlham Əliyev Bəhreynin Kralını təbrik edib Azərbaycan Prezidenti İlham Əliyev müdafiə sənayesi işçilərini təltif edib Prezident İlham Əliyev qazaxıstanlı həmkarını təbrik edib UNESCO Ümumdünya İrs Komitəsinin 43-cü sessiyası 2019-cu ildə Bakıda təşkil olunacaq
ASAN Radio müğənni Səbinə Babayeva ilə yeni layihə təqdim edir - Audio-Video

ASAN Radio müğənni Səbinə Babayeva ilə birgə Azərbaycan Xalq Cümhuriyyətinin 100 illiyinə həsr olunmuş yeni layihəni təqdim edir. Layihənin məqsədi dövlətçilik ənənə və dəyərlərinin, atributlarının təbliğidir.

Sözləri Əhməd Cavada, musiqisi Üzeyir Hacıbəyliyə məxsus Azərbaycan Respublikasının Dövlət Himnini müğənni Səbinə Babayeva orijinala yaxın, klassik formada yenidən ifa edib. Aranjeman Samir Şirinova məxsusdur. ASAN Radio Azərbaycan Dövlət Himnini müğənni Səbinə Babayevanın ifasında dinləyicilərin ixtiyarına verir.  

Müğənni ifası ilə bağlı bunları deyib: “Mən həmişə Himnimizi oxumaq istəmişəm. Birincisi ona görə ki, hər birimiz üçün Himn əziz və müqəddəsdir. İkincisi, əmin  idim ki, Himni yüksək səviyyədə ifa edə bilərəm. Dövlət Himnimizin həm musiqisi, həm də sözləri mükəmməldir. Dahi Üzeyir Hacıbəylinin bəstələdiyi əsərin ab-havası möhtəşəmdir, çox güclüdür. Himni oxuyanda bunu çox yaxşı hiss etdim. Ümid edirəm ki, layihəmiz dinləyicilər tərəfindən qiymətləndiriləcək və seviləcək.”

Qeyd edək ki, Azərbaycanda ilk dəfə keçirilən “Avroviziya 2012” mahnı müsabiqəsində ölkəmizi təmsil edən Səbinə Babayeva  2015-ci il Avropa Oyunlarının rəsmi bağlanış mərasimində Azərbaycan Respublikasının Dövlət Himnini ifa edib. Həmin vaxt Səbinə Babayevanın Fərid Məmmədovla birgə səsləndirdiyi  himn Almaniya Filarmoniyasında hazırlanmışdı. 

Azərbaycan Xalq Cümhuriyyətinin 100 illiyinə töhfə olaraq, ASAN Radio Səbinə Babayevanın ifasında Dövlət Himnini təqdim edir və informasiya dəstəyi verir.

https://www.youtube.com/watch?v=oqloQsMmWiM&feature=youtu.be

Himni buradan dinləyə bilərsiniz:

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio