USD - EUR - RUB - TRY - DAHA ÇOX
YENİLİKLƏR
Mənəvi dəyərlər: Əxlaq və din Mərkəzi Bankın departament direktoru ASAN Radioda sualları cavablandıracaq  “ASAN Həyat” verilişində “Baku FinTech Forum 2023” tədbiri barədə danışılacaq "Su Gündəmi" verilişində mütəxəssislərə sual verə bilərsiniz "Həyat sığorta ilə rahat"
Müəllimlərin işə qəbulu üçün qeydiyyat başlayır

Bu gündən müəllimlərin işə qəbulu üçün qeydiyyat başlayır.

Təhsil Nazirliyindən verilən məlumata görə, müəllimlərin işə qəbulu üzrə müsabiqəyə elektron ərizələrin qəbulu iyunun 25-də başlanılacaq və iyulun 5-dək davam edəcək. Yeni qaydalara əsasən, müəllimlərin işə qəbulunda əcnəbilər də iştirak edə biləcəklər.

Bu il müəllimlərin işə qəbulu müsabiqəsində ölkənin orta ixtisas və ali təhsil müəssisələrini pedaqoji ixtisaslar üzrə bitirən, xaricdə təhsil alan Azərbaycan vətəndaşları ilə yanaşı, ölkəmizdə daimi yaşamaq üçün icazəsi olan əcnəbilər və ya vətəndaşlığı olmayan şəxslər də iştirak edə biləcəklər. 

Yeni qaydalara görə, müsabiqə başa çatdıqdan sonra tutulmayan və yeni yaranan vakant yerlərə müvafiq keçid balını toplayan namizədlərin müddətli müqavilə ilə işə qəbulu Təhsil Nazirliyi tərəfindən proqram təminatı tətbiq edilməklə mərkəzləşmiş qaydada həyata keçirilir. 

Müəllimlərin işə qəbulu üzrə müsabiqə, elektron ərizədəki göstəricilərin qiymətləndirilməsi, test imtahanı, vakant yerlərin seçilməsi və müsahibə olmaqla 4 mərhələdə keçirilir. 

Qəbul müsabiqəsində namizədin topladığı bal iki tədris ili müddətində qüvvədə olur və növbəti tədris ili üçün keçirilən müsabiqə zamanı birbaşa vakansiya seçimi mərhələsində iştirak etmək hüququ verir. Ümumi təhsil müəssisələrində ixtisası üzrə fasiləsiz 10 il müddətsiz müqavilə ilə müəllim işləyən, diaqnostik qiymətləndirmədə iştirak edən şəxslər isə nəticələrə uyğun olaraq birbaşa vakansiya seçimi mərhələsində iştirak edə bilərlər. Hər hansı bir səbəbdən göstərilən vaxtda test imtahanında, müsahibədə iştirak etməyənlər üçün təkrar imtahan və müsahibə keçirilmir.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 44
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 44 (daxili 80695)

“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb. 

24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb. 

“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.

“ASAN Radio” dövlət xidmətləri sahəsində ixtisaslaşan ilk və yeganə radiodur.

Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır. 

Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir. 

“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır. 

Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz. 

“ASAN Radio” - Dəqiq, Operativ, Faydalı!