21/11/2018 02:14

Valyuta USD EUR RUB TRY
Kurs 1.7000 1.9459 0.0259 0.3191


Havadasan

Anomal isti hava şəraiti davam edəcək


30.06.2018   13:31


İyulun 1-də Bakıda və Abşeron yarımadasında hava günəşli olacaq. Səhər bəzi yerlərdə zəif duman gözlənilir. ASAN Radio ETSN-ə istinadla xəbər verir ki, şimal-qərb küləyi gündüz cənub-şərq  küləyi ilə əvəz olunacaq. Havanın temperaturu gecə  23-27° isti, gündüz  37-41° isti, Bakıda  gecə  25-27° isti, gündüz  38-40° isti olacaq. 

Atmosfer  təzyiqi  normadan aşağı 753 mm civə sütunu təşkil edəcək. Nisbi rütubət  gecə 50-60 %, gündüz 20-30 % olacaq. 

Abşeron çimərliklərində gözlənilən hava şəraiti

Şimal çimərliklərində: (Sumqayıt, Novxanı, Pirşağı, Nardaran, Bilgəh, Zuğulba) Şimal-qərb küləyi gündüz cənub küləyi ilə əvəz olunacaq. Dəniz suyunun temperaturu  27-28° isti təşkil edəcək.

Cənub çimərliklərində: (Türkan, Hövsan, Sahil, Şıx) Şimal-qərb küləyi gündüz cənub küləyi ilə əvəz olunacaq. Dəniz suyunun temperaturu  28-29° isti təşkil edəcək. 

Abşeron çimərliklərində davam edən anomal isti hava şəraiti ilə bağlı günorta saatlarında 11:00-17:00-dək günəş şüalarının birbaşa təsiri altında uzun müddət olmaq risklidir.

Xəbərdarlıq

İyulun 2-dək Bakıda və Abşeron yarımadasında anomal isti hava şəraitinin davam edəcəyi, havanın maksimal temperaturunun 37-41° isti olacağı gözlənilir. 

Tibbi-meteoroloji xəbərdarlıq

İyulun 2-dək Abşeron yarımadasında anomal isti və durğun hava şəraitinin davam edəcəyi gözlənilir ki, bu da əksər əhali üçün  əlverişsiz, meteohəssas insanlar üçün  risklidir. Gündüz saatlarında uzun müddət açıq havada qalmaq məsləhət deyil.

Azərbaycanın rayonlarında

Yağmursuz hava gözlənilir. Səhər bəzi yerlərdə zəif duman olacaq. Şərq küləyi əsəcək. Havanın temperaturu gecə 21-26° isti, gündüz  38-43° isti, dağlarda  gecə  17-22° isti, gündüz  26-31° isti təşkil edəcək.














ASAN Radio telefonunuzda
Facebook