USD - 1.7 EUR - 1.923 RUB - 0.0257 TRY - 0.3219 DAHA ÇOX
SON DƏQİQƏ
Moskvada Azərbaycan və çeçen ağsaqqallarının görüşü keçirilir Səhiyyə naziri Oqtay Şirəliyev ATU-da yeni Tədris Mərkəzinin açılışında iştirak edib Əmək və əhalinin sosial müdafiəsi nazirinin yeni müavini təyin olunub Beynəlxalq Münasibətlərin Təhlili Mərkəzinə rəhbər təyinatı olub “Kərgədan buynuzu” tamaşası nümayiş olunub
Çin dilində bələdçı kursları keçiriləcək

Azərbaycan  Turizm Assosiasiyasi  və  Dillər  Universitetinin nəzdində Konfutsi İnstitutu Qarşılıqlı Əməkdaşlıq Haqqında Memorandum imzalayıblar.

ASAN Radio bildirir ki, Memorandumu Azərbaycan Turizm Assosiasiyasının sədri Nahid Bağırov və  Konfutsi  İnstitutunun Çin tərəfindən direktoru Li Tszixua imzalayıb. 

İmzalanmış Memorandumun əsas məqsədi AZTA və Universitet arasında turizm sahəsində kadr potensialının inkişafına birgə töhfə verməkdən ibarətdir, belə ki, universitetin mütəxəssisləri assosiasiyanın təşkil etdiyi bələdçı kurslarının Çin dilində keçirilməsinə yardım edəcəklər. 

İmzalanma mərasımındə Çinin Azərbaycandakı səfirliyinin rəsmi  nümayəndəsi və Konfutsi İnstitutunun direktoru, professor Rafiq Abbasov da iştirak edib.   Görüşdə iki ölkə arasında dostluq münasibətlərinin qorunması  və dərinləşməsi üçün turizmin bir vasitə olduğu qeyd olunub.  Tərəflər həmçinin turizm  sahəsində   kadr   təminatı, elmi tədqiqatların aparılması, Çin bazarında Azərbaycan turizm məhsullarının və Azərbaycan bazarında Çin turizm məhsullarının təşviqi, iki ölkənin turizm-rekreasiya   komplekslərinin   inkişafına   yardımın göstərilməsi və  turizm xidmətlərinin keyfiyyətinin yaxşılaşdırılması haqqında müzakirələr aparıblar. 

Azərbaycan Turizm Assosiasiyası həmçinin, AZTA-ya üzv olan şirkətlər üçün Çin səfirliyində viza qeydiyyatının aparılması prosedurlarının sadələşdirilməsını təklif edib. Səfirlik nümayəndəsi məsələnin Çin tərəfi ilə müzakirə olunacağna söz verib.

 

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio