USD - 1.7 EUR - 1.9314 RUB - 0.0256 TRY - 0.3176 DAHA ÇOX
SON DƏQİQƏ
INNOLAND beynəlxalq proqramın regional müraciətlərini qiymətləndirəcək Lukaşenko: Dedim Serj, 5 rayonu Azərbaycana qaytar, dedi qaytarsam... Azərbaycanda “Aqrar tədarük və təchizat” Açıq Səhmdar Cəmiyyəti yaradılıb İstirahət günlərində səyahətə çıxanlar üçün hava proqnozu Leyla Əliyevanın bir qrup rusiyalı qadının məktubuna cavabı
Nazir: Status-kvonun qəbuledilməzliyi dəfələrlə bildirilib

Dünya ictimaiyyəti beynəlxalq səviyyədə tanınmış sərhədlər çərçivəsində Azərbaycanın suverenliyi və ərazi bütövlüyünü dəstəkləyir.

AzVision.az xəbər verir ki, bunu Azərbaycan xarici işlər naziri Elmar Məmmədyarov “RİA Novosti”yə verdiyi müsahibədə belə deyib. 

Onun sözlərinə görə, ATƏT-in Minsk qrupu həmsədrlərinin vasitəçiliyi ilə Ermənistan-Azərbaycan, Dağlıq Qarabağ münaqişəsinin nizamlanması üzrə danışıqlar prosesi artıq uzun illərdir ki, davam edir: “Minsk qrupunun mandatına dair sənəddə qeyd olunduğu kimi, Minsk qrupu öz fəaliyyətində beynəlxalq hüququn müvafiq norma və prinsiplərini, BMT TəhlükəsizlikŞurasının qətanamələrini və Helsinki yekun aktının müddəalarını əsas tutur. Münaqişənin nizamlanması da məhz həmin başlıca müddəalara əsaslanmalıdır.” 

Nazir bir daha xatırladıb ki, BMT Təhlükəsizlik Şurasının Dağlıq Qarabağ münaqişəsilə bağlı qəbul etdiyi dörd qətnamə mövcuddur və həmin qətnamələr işğalçı qüvvələrin dərhal, tam və qeyd-şərtsiz Azərbaycan Respublikasının işğal olunmuş ərazilərindən çıxarılmasını tələb edir. BMT Təhlükəsizlik Şurası qətnamələrinin vaxtı keçmir və icrası mütləqdir. Məmmədyarov həmçinin, münaqişənin həlli istiqamətində substansiv danışıqların intensivləşdirilməsinin vacibliyini vurğulayıb. 

“Minsk qrupu trəfindən təklif olunan mərhələli nizamlanma modeli çoxdan hamıya bəllidir. Rusiya, ABŞ və Fransa dövlət başçılarının birgə bəyanatlarında işğal faktına əsaslanan status-kvonun qəbuledilməzliyi barədə mövqe dəfələrlə ortaya qoyulub. Təəssüf ki, biz hələ də işğala son qoya bilməmişik. Nizamlanma prosesinin təşviqi üçün mövcud format və gündəmdə duran məsələlər çərçivəsində substantiv danışıqların intensivləşdirilməsini təmin etməyimiz vacibdir.” – deyə, Məmmədyarov bildirib. 

Nazir onu da əlavə edib ki, Azərbaycan nəticəyə hədəflənib və rəsmi Bakı münaqişənin nizamlanması istiqamətində substantiv danışıqların davam etdirilməsinə hazırdır. 

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio