Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Elektron xidmətlərin inkişafı sosial innovasiyalar şöbəsinin müdir müavini Fariz Cəfərov Tallində keçirilən "E-Governance Conference 2016"da iştirak edir. Sabah "ASAN xidmət" və Dövlət Agentliyinin elektronlaşma sahəsində gördüyü işlərdən danışılacaq. Eyni zamanda bu sahədə Azərbaycanda görülən işlər də qeyd ediləcək. Təqdimatı Azərbaycan adından Fariz Cəfərov edəcək. Qeyd edək ki, konfransda 54 ölkədən gələn 500-dən çox iştirakçı iştirak edir. Konfransın açılış nitqini isə Estoniya prezidenti Toomas Hendrik İlves edib.
Bu konfrans Şərq tərəfdaşlığı çərçivəsində hər il keçirilir. Keçən il Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi “public service” göstərilməsi sahəsində “E-Gov Academy Of Estonia”dan 1-ci yer mükafatı alıb.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!