19/09/2018 13:29

Valyuta USD EUR RUB TRY
Kurs 1.7000 1.9876 0.0249 0.2688


Dövlət qurumları

M.Qurbanlı: Aşura mərasimləri yalnız QMİ-nin fətvası əsasında keçirilməlidir


11.09.2018   17:30


Azərbaycanda dövlət-din münasibətləri dünyəvilik prinsipi əsasında həyata keçirilir.

Trend-in məlumatına görə, bunu Dini Qurumlarla İş üzrə Dövlət Komitəsinin sədri Mübariz Qurbanlı “Dini mərasimlər: ənənəvilik və müasirlik” adlı konfransda deyib.

Komitə sədri bildirib ki, sovet dövründə dini mərasimlərin həyata keçirilməsinə maneçilik törədilirdi, lakin Azərbaycan müstəqillik əldə edəndən sonra dövlət-din münasibətləri öndə duran məsələlərdən idi və dövlətin din sahəsində siyasəti də Azərbaycan konstitusiyasında təsbit olundu.

Komitə sədri vurğulayıb ki, istər İslam, istər qeyri-islam dininə bağlı mərasimlərin necə keçirilməsinə dövlət qarışmır və din də dövlət siyasətinə müdaxilə etmir:

“Bizdən kənar ölkədə hansısa bir fətva verilirsə, bu bizə şamil edilə bilməz. Azərbaycanda yalnız Qafqaz Müsəlmanları İdarəsinin (QMİ) verdiyi fətvalara əməl olunur”.

M.Qurbanlı əlavə edib ki, kənardan kimsə nəyisə gətirib Azərbaycanda tətbiq etməməlidir:

“Birincisi qanun buna imkan vermir, biz öz yolumuzla gedirik. Bizim üçün dövlət müstəqilliyimiz, azərbaycançılıq ideoligoyası əsadır, dinimiz bizim mənəvi dəyərimizdir və biz bunu qorumalıyıq. Məhərrəm ayı başlayır və bütün tədbirlər, o cümlədən Aşura mərasimləri yalnız QMİ-nin fətvası əsasında keçirilməlidir, vətəndaşlarımız da qanundan kənar hərəkətlərə yol verməməlidir, bütün tədbirlər məscidlərin daxilində olmalıdır, kənar atributlar məscidlərə gətirilə bilməz”.




Xəbər lenti

19 Sentyabr
18 Sentyabr











ASAN Radio telefonunuzda
Facebook