USD - EUR - RUB - TRY - DAHA ÇOX
YENİLİKLƏR
Mənəvi dəyərlər: Əxlaq və din Mərkəzi Bankın departament direktoru ASAN Radioda sualları cavablandıracaq  “ASAN Həyat” verilişində “Baku FinTech Forum 2023” tədbiri barədə danışılacaq "Su Gündəmi" verilişində mütəxəssislərə sual verə bilərsiniz "Həyat sığorta ilə rahat"
Bakıda Meksikanın milli bayramı qeyd edilib

Meksikanın Azərbaycandakı səfirliyi sentyabrın 14-də ölkənin milli bayramı - Müstəqillik gününü qeyd edib.

AZƏRTAC xəbər verir ki, bu münasibətlə keçirilən qəbulda əvvəlcə hər iki ölkənin dövlət himnləri səsləndirilib.

Meksikanın Azərbaycandakı səfiri Xuan Rodrigo Labardini Flores ölkəsinin tarixi, beynəlxalq əlaqələri haqqında məlumat verib. O, Meksikanın dünya turizmi üzrə altıncı yerdə olduğunu qeyd edib.

Səfir Meksikanın Azərbaycandakı səfirliyinin artıq üç ildir ki, fəaliyyət göstərdiyini deyib. Bu müddət ərzində iki ölkə arasında ticarət dövriyyəsi 8 dəfə artaraq 9,6 milyon dollara çatıb. O, əməkdaşlığın inkişafı istiqamətində tədbirlərin həyata keçirildiyini söyləyib. Diplomat qarşılıqlı səfərlərin əlaqələrimizin dərinləşməsinə təkan verdiyini vurğulayıb.

Xarici İşlər Nazirliyinin xüsusi tapşırıqlar üzrə səfiri Gündüz Cəfərov tədbirdə çıxış edərək Azərbaycan hökuməti adından Meksika xalqını milli bayramı münasibətilə təbrik edib. O, Azərbaycan ilə Meksika arasında iqtisadi, siyasi, mədəni, humanitar sahələrdə əlaqələrin olduğunu diqqətə çatdırıb. Vurğulayıb ki, hər iki ölkənin parlamentləri arasında əlaqələr mühüm istiqamətlərdən birini təşkil edir. Meksika Senatında Xocalı soyqırımının tanınması ilə bağlı sənədin qəbul edildiyini xatırladan Gündüz Cəfərov ölkələrimiz arasında müxtəlif sahələrdə əməkdaşlığın daha da inkişafı üçün yaxşı perspektivlərin olduğunu vurğulayıb.

Tədbirdə rəsmi şəxslər, Milli Məclisin deputatları, xarici ölkələrin ölkəmizdəki səfirləri, beynəlxalq təşkilatların təmsilçiləri, ictimaiyyətin nümayəndələri iştirak ediblər.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 44
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 44 (daxili 80695)

“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb. 

24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb. 

“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.

“ASAN Radio” dövlət xidmətləri sahəsində ixtisaslaşan ilk və yeganə radiodur.

Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır. 

Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir. 

“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır. 

Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz. 

“ASAN Radio” - Dəqiq, Operativ, Faydalı!