USD - 1.7 EUR - 1.9292 RUB - 0.0255 TRY - 0.3157 DAHA ÇOX
SON DƏQİQƏ
Tanınmış futbol fristayleri Bakıya gələcək Fransa Prezidenti: “Dağlıq Qarabağ münaqişəsinin tənzimlənməsi üçün səylərimizi davam etdirəcəyik” Şəhid hərbi qulluqçuların daha 423 vərəsəsinə birdəfəlik ödəmələr veriləcək Prezident İlham Əliyev: Səhiyyə sahəsindəki islahatlar bir məqsədi güdür ki, Azərbaycan vətəndaşları sağlam olsunlar, yüksək səviyyəli tibbi xidmət ala bilsinlər Ermənistanda baş leytenant xidmət yoldaşını güllələdi
“SpaceX” Aya səyahət edəcək ilk kosmik turistin adını açıqlayıb

“Big Falcon Rocket” raketində Aya səyahət edəcək ilk kosmik turist yaponiyalı milyarder Yusaku Maedzava olacaq. Bu barədə İlon Maskın “SpaceX” layihəsinin müəllifi olan şirkət məlumat yayıb.

AZƏRTAC BBC-yə istinadla xəbər verir ki, Yusaku Maedzava geyim satışı üzrə “Zozotown” onlayn-məkanın yaradıcısıdır. “Forbes” onun varidatını 2,9 milyard avro dəyərləndirib. Qırx iki yaşlı milyarder səyahəti üçün avans ödəyib. Kosmik turistin ödəyəcəyi vəsaiti “SpaceX” şirkəti açıqlamasa da, onu “əhəmiyyətli dərəcədə” adlandırıb.

Uçuş təxminən bir həftə davam edəcək. Raket 200 kilometrə qədər məsafədə Aya yaxınlaşacaq.

Amerikanın “SpaceX” şirkəti uzunmüddətli missiyalar üçün nəzərdə tutulan raketdə Aya gedəcək ilk kosmik turistlə müqavilə imzalandığını hələ keçən həftə açıqlayıb. O vaxt onun adı çəkilmirdi. Aya kosmik turistlərin göndərilməsi planını şirkət 2017-ci ilin əvvəllərində elan edib.

Bu ilin fevralında “SpaceX” Marsa “Falcon Heavy” raketini yollayıb. Raket özü ilə içərisində sükan arxasında maneken əyləşdirilmiş “Tesla Roadster” elektrokarın olduğu kapsulu daşıyıb. Avtomobil müşahidə kameraları ilə təchiz edilib.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio