USD - 1.7 EUR - 1.9326 RUB - 0.0255 TRY - 0.3191 DAHA ÇOX
SON DƏQİQƏ
Prezident İlham Əliyev Rusiya Silahlı Qüvvələrinin Baş Qərargah rəisini qəbul edib Kiyevdə Heydər Əliyev adına parkda anım mitinqi keçirilib Müdafiə Nazirliyinin şəxsi heyəti ümummilli liderin xatirəsini yad edib Avropa Məhkəməsində Şahbaz Quliyev və Dilqəm Əsgərovla bağlı müsbət nəticə əldə oluna bilər Bakıda həyat yoldaşını eyvandan ataraq öldürən şəxs tutuldu
İkinci Respublika İnnovasiya Müsabiqəsinə layihələrin qəbulu müddəti uzadılıb

İqtisadiyyat Nazirliyi və Birləşmiş Millətlər Təşkilatı tərəfindən keçirilən İkinci Respublika İnnovasiya Müsabiqəsinə çoxsaylı marağı və universitetlərin müsabiqədə aktiv iştirakının təmin olunmasını nəzərə alaraq müsabiqəyə layihələrin qəbul müddəti sentyabrın 30-dək uzadılıb.

Nazirliyin mətbuat xidmətindən ASAN Radioya bildiriblər ki, müsabiqə ilə bağlı digər bir yenilik İqtisadiyyat Nazirliyinin və Birləşmiş Millətlər Təşkilatının Azərbaycandakı nümayəndəliyinin təşəbbüsü ilə innovasiya müsabiqələrinin və startapların təşkilində geniş təcrübəyə malik olan Sosial İnnovasiya Laboratoriyası (SİL) ilə əməkdaşlığa başlanılmasıdır. Bu əməkdaşlıq çərçivəsində SİL-in dəstəyi ilə 9 modul üzrə 2 intensiv düşərgənin keçirilməsi və seçilmiş ideyalar üçün ilkin hazırlıq mərhələsinin təşkil olunması nəzərdə tutulur. Bundan başqa, müsabiqədə 1-ci yeri tutan layihə müəllifi dünyanın qabaqcıl investorları və ekspertlərinin iştirak edəcəyi "Istanbul Innovation Days 2018" Beynəlxalq Proqramında ölkəmizi təmsil edəcək.

Qeyd edək ki, İkinci Respublika İnnovasiya Müsabiqəsi Azərbaycan Respublikasının İqtisadiyyat Nazirliyi və BMT tərəfindən "2030-cu ilədək Dayanıqlı İnkişaf üzrə Gündəliyi"nin məqsədlərini təşviq etmək, innovasiyaları həvəsləndirmək, eyni zamanda "Azərbaycan 2020: gələcəyə baxış" İnkişaf Konsepsiyasının və "Milli iqtisadiyyat və iqtisadiyyatın əsas sektorları üzrə Strateji Yol Xəritələri"nin icrasına dəstək məqsədilə elan edilib. Müsabiqə barədə məlumatlılığın artırılması üçün Azərbaycan Respublikasının Prezidenti yanında Dövlət İdarəçilik Akademiyası, Bakı Dövlət Universiteti, AMEA-nın "Yüksək texnologiyalar parkı" MMC-nin müəllim, tələbə və gənc tədqiqatçıları, "ASAN Könüllüləri" ilə maarifləndirmə tədbirləri keçirilib. İndiyədək Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin "İdeya Bankı" (www.ideya.az) platforması vasitəsilə müsabiqəyə 80-ə yaxın layihə təqdim olunub. Müsabiqənin qalibləri 1-ci yer üçün 5000 manat, 2-ci yer üçün 3000 manat və 3-cü yer üçün 2000 manat mükafat alacaq.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio