Oktyabrın 1-də Bakıda 160 saylı marşrut avtobusunun qatarla toqquşması nəticəsində xəsarət alaraq Kliniki Tibbi Mərkəzə yerləşdirilən 4 yaralıdan 2 nəfər evə buraxılıb.
Bu barədə Trend-ə Kliniki Tibbi Mərkəzdən məlumat verilib.
Məlumatda bildirilir ki, hadisə nəticəsində xəsarət alan 1984-cü il təvəllüdlü Abdulov Rahim Kərim oğlu və 1986-cı il təvəllüdlü Abdulov Rizvan Kərim oğlunun vəziyyətləri normallaşdığı üçün evə buraxılıb:
“Hazırda mərkəzdə iki xəstə - 1983-cü il təvəllüdlü Aygün Babayeva və onun qızı, 2013-cü il təvəllüdlü qızı Əsnat Babalı müalicə alır. Uşağın vəziyyəti də normaldır, ola bilsin ki, bu gün evə buraxıldı. Amma Aygün Babayevanın vəziyyəti hələ də ağırdır. Əməliyyat olunub, ağır vəziyyətdə olsa da, stabildir”.
Qeyd edək ki, oktyabrın 1-də təxminən 14.35 radələrində 160 nömrəli müntəzəm marşrut xətti üzrə hərəkət edən "10-TG-106" dövlət qeydiyyat nişanlı sərnişin avtobusu Xəzər rayonu, Binə qəsəbəsində hərəkətdə olan qatarla toqquşub. Qəza həmin ərazidəki qorunan dəmiryolu keçidində baş verib.
Hadisə nəticəsində 2 nəfər dünyasını dəyişib, 40 nəfər isə xəstəxanalara yerləşdirilib. Xəsarət alanlardan 5-i azyaşlıdır.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!