USD - 1.7 EUR - 1.9314 RUB - 0.0256 TRY - 0.3176 DAHA ÇOX
SON DƏQİQƏ
"Formula 1" Azərbaycan Qran Prisi ən yaxşı yarışlardan biri seçilib Prezident İlham Əliyev Bəhreynin Kralını təbrik edib Azərbaycan Prezidenti İlham Əliyev müdafiə sənayesi işçilərini təltif edib Prezident İlham Əliyev qazaxıstanlı həmkarını təbrik edib UNESCO Ümumdünya İrs Komitəsinin 43-cü sessiyası 2019-cu ildə Bakıda təşkil olunacaq
Ümumdünya Şahmat Olimpiadasında azərbaycanlıların növbəti rəqibləri müəyyən edilib

Batumidə keçirilən Ümumdünya Şahmat Olimpiadasının onuncu turunda Azərbaycanın kişilərdən ibarət yığması Ukraynanın komandası ilə oynayacaq, qadınlardan ibarət yığmamız isə Ermənistan nümayəndələri ilə qarşılaşacaq.

AZƏRTAC xəbər verir ki, doqquzuncu turda qadınlardan ibarət yığmamız Ukraynan komandası ilə sülh bağlayıb. Gülnar Məmmədova ağ fiqurlarla Anna Uşeninaya qalib gəlib, Günay Məmmədzadə Anna Muzıçuka uduzub, Xanım Balacayeva - Marina Muzıçuk və Ülviyyə Fətəliyeva - Yuliya Osmak qarşılaşmaları heç-heçə başa çatıb.

Azərbaycanın kişilərdən ibarət yığması Çin şahmatçılarına 1,5:2,5 hesabı ilə uduzub. Eltac Səfərli ağ fiqurlarla Bu Syanciyə uduzub, Şəhriyar Məmmədyarov - Dinq Liren, Teymur Rəcəbov - Yu Yanqyi və Arkadi Naydiç - Vey Yu oyunlarında isə heç-heçə qeydə alınıb.

Açıq seksiyada doqquz turdan sonra 16 komanda xalı yığmış Polşa liderlik edir. ABŞ, Çin, Ermənistan və İngiltərə komandaları liderdən bir xal, Fransa, Rusiya, Almaniya və Xorvatiya komandaları liderdən iki xal geri qalır. Azərbaycan komandasının 13 xalı var.

Qadınların yarışlarında Çin komandası irəlidədir - 16 komanda xalı. Ukrayna, Ermənistan və ABŞ komandaları liderdən bir xal, Rusiya, Azərbaycan və Gürcüstan komandaları liderdən iki xal geri qalır.

Kişilərin yarışında axırıncıdan əvvəlki turun Azərbaycan – Ukrayna matçında Şəhriyar Məmmədyarov - Vasili İvançuk, Teymur Rəcəbov - Pavel Elyanov, Arkadi Naydiç - Yuri Krivoruçko, Rauf Məmmədov - Ruslan Ponomaryov, qadınların Azərbaycan – Ermənistan yarışında Günay Məmmədzadə - Elina Danielyan, Zeynəb Məmmədyarova - Lilit Mkrtçyan, Xanım Balacayeva - Anna Sarkisyan, Gülnar Məmmədova - Mariya Kursova partiyaları oynanılacaq.

Gürcüstanda keçirilən Ümumdünya Şahmat Olimpiadası oktyabrın 5-də başa çatacaq.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio