USD - 1.7 EUR - 1.9314 RUB - 0.0256 TRY - 0.3176 DAHA ÇOX
SON DƏQİQƏ
"Formula 1" Azərbaycan Qran Prisi ən yaxşı yarışlardan biri seçilib Prezident İlham Əliyev Bəhreynin Kralını təbrik edib Azərbaycan Prezidenti İlham Əliyev müdafiə sənayesi işçilərini təltif edib Prezident İlham Əliyev qazaxıstanlı həmkarını təbrik edib UNESCO Ümumdünya İrs Komitəsinin 43-cü sessiyası 2019-cu ildə Bakıda təşkil olunacaq
Nazirlik: Azərbaycan arıçıları öz məhsullarını daha çox ərəb ölkələrinə satırlar

Azərbaycanın arıçılıq məhsulları bazarına xaricdə, xüsusən də ərəb ölkələrində çox böyük tələbat var.

 

Bunu Trend-ə Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsinin müdir müavini Vüqar Hüseynov deyib.

 

Onun sözlərinə görə, Azərbaycana gələn ərəblər də burada yerli bala çox böyük maraq göstərirlər:

 

“Bu gün Azərbaycanda öz məhsullarını xaricə, hətta Yaponiyaya belə ixrac edən arıçılar var. Bu gün arıçılar öz məhsullarını daha çox ərəb ölkələrinə satırlar. Nazirlik olaraq, bizim əsas işimiz təşviqatdır. Biz bu məhsulları təşviq edərək ölkəyə əlavə valyutanın gəlməsinə imkan yarada bilərik”.

 

V.Hüseynov deyib ki, hazırda Azərbaycana xarici ölkələrdən, xüsusilə Almaniyadan cins arı ailələri idxal edilir.

 

O, arı ailələrinin ölkəyə idxalının dövlət tərəfindən tənzimlənmədiyini, bu işin arıçıların özləri tərəfindən həyata keçirildiyini də nəzərə çatdırıb:

 

“Azərbaycana xaricdən arı cinsləri gətirilsə də, sahibkarlar çox sayda arı ailələri gətirə bilmirlər. Çünki arı çox həssasdır, onun yerli şəraitlə uyğunlaşdırılması məsələsi var”.

 

Almaniyadan gətirilən arıların çox məhsuldar olduğunu nəzərə çatdıran V.Hüseynov qeyd edib ki, Azərbaycanda ən yaxşı arıçı bir arı yeşiyindən 15-20 kq arı götürə bilir. Almaniyada isə bir yeşikdən 50 kq-dan az bal götürüldükdə, bunu arıda, yaxud təbiətdə yaranan problemin nəticəsi hesab edirlər:

 

“Almaniyada arı yeşiklərinin yanında nektarı çox olan xaşa bitkisi əkilir. Qobustanda bu bitkini əkən bəzi arıçılar Almaniyadakı nəticəni əldə edərək 1 yeşikdən 80 kq bal götürə bilirlər”.

 

V.Hüseynov qeyd edib ki, Azərbaycanın özündə dünyada çox yaxşı tanınan - Qafqaz sortu olan yaxşı arı ailələri də var: “Genofondumuzu qorumaq üçün laboratoriya şəraitində həmin arı ailələrinin artırılması istiqamətində işlər görülməlidir. Nazirin göstərişi ilə bu sahədə işlər görüləcək”.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio