USD - 1.7 EUR - 1.9335 RUB - 0.0255 TRY - 0.3185 DAHA ÇOX
SON DƏQİQƏ
Elektron ticarətə həsr olunmuş tədbir keçirilib Elxan Məmmədov: Futbol üzrə aşağı yaş qrupları üzrə milli komandaların baş məşqçiləri də istefaya göndərilib Bazar günü Bakıya yağış, bəzi rayonlara isə qar yağacaq Quş qripi ilə bağlı aparılan monitorinqlərin nəticələri açıqlanıb Rəşad Sadıqov istefaya göndərildi
Putin Həbib və atası ilə görüşdü

Rusiya prezidenti Vladimir Putin UFC çempionu Həbib Nurməhəmmədovu qəbul edib.

ASAN Radio xəbər verir ki, görüşdə Həbibin atası Əbdülmanap Nurməhəmmədov da iştirak edib. “Səni təbrik edirəm” deyən Putin daha sonra zarafatla Həbibin atasına müraciət edərək “Ona güclü cəza vermə” deyib.

Putin əlavə edib ki, Nurməhəmmədov Konor Makqreqor üzərində inandırıcı qələbə qazanaraq UFC titulunu qazanıb:

"Düzdür, bu, kommersiya idmanıdır, lakin bütün hallarda idmandır. Mən müəyyən qaydalara əməl edilməli olduğunu hesab edən şəxslərlə razılaşmaya bilmərəm. Nəinki kağız üzərində yazılan qaydalara, həmçinin mənəvi, idman qaydalarına…

Bütün hallarda sən əsas tapşırığı yerinə yetirdin. Layiqli və inandırıcı qələbə qazandın. Ümid etmək istəyirəm ki, idmanın idealları hər şeydən – qazanc, reklamdan üstün olacaq”. 

Nurməhəmməd isə öz növbəsində döyüşdən sonrakı davranışlarını prezidentə izah etməyə çalışıb. O qeyd edib ki, rəqibi Makqreqor tərəfindən daim təhqir olunması onu özündən çıxarıb:

“Mən özümü layiqli apardım. Lakin bəzi məqamlarda, əlbəttə, mən də nəzarəti itirdim. Çünki döyüş zamanı təxribatlar davam edirdi. Ümid edirəm ki, davam edən məhkəmə bizim xeyrimizə olacaq”. 

Putin, həmçinin qeyd edib ki, o və Rusiyadakı digər qarışıq döyüş sənəti azarkeşləri idmançının emosiyalarını başa düşə bilirlər. Dövlət başçısı provakasiya edilən kütləvi davaya görə Nurməhəmmədovun döyüşündən sonra çempionluq kəmərindən məhrum edilməyəcəyinə ümid etdiyini deyib:

“Biz ölkə daxilində böyük bir ailəyik. Nə baş verməsindən asılı olmayaraq, əlbəttə ifratdan qaçmaq lazımdır. Əgər kənardan kimsə bizə hücum edərsə, o zaman təbii ki, tək sən deyil, biz hamımız belə atıla bilərik. Lakin yaxşı olar ki, o həddə gətirib çıxarmayasan”. 

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio