18/11/2018 01:25

Valyuta USD EUR RUB TRY
Kurs 1.7000 1.9267 0.0258 0.3163


Gündəm

Səfir Kestutis Yankauskas Azərbaycan xalqını təbrik edib - Eksklüziv


18.10.2018   11:50


Avropa İttifaqının Azərbaycandakı nümayəndəliyinin başçısı səfir Kestutis Yankauskas ASAN Radioya eksklüziv müsahibəsində azərbaycanlılara Müstəqillik Günü münasibəti ilə təbriklərini çatdırıb:

"Müstəqillik Günü münasibəti ilə bütün azərbaycanlıları təbrik edirəm!

Bu il Azərbaycan üçün xüsusi bir ildir. May ayında siz, ilk dəfə Respublika qurduğunuzun 100 illiyini qeyd etdiniz. Avropa İttifaqınin bəzi üzv dövlətləri də oxşar ildönümünü ötən il və bu il qeyd ediblər. Bu 100 illik tarixlə böyük fəxr hissi duyuruq. Lakin müstəqilliklərimizin bərpa olunması tairixini yaxşı xatırlayırıq və bir çoxlarımız bu tarixin bir hissəsi olmuşuq. 

Tarix gələcəyə addımlamaq üçün əsasdır. Avropa İttifaqı və Azərbaycan bu gün tərəfdaşdırlar. Hər ikimiz münasibətlərimizi  daha da yaxşılaşdırmaq və xalqlarımızı daha da yaxınlaşdırmaq üçün çalışırıq. Sülhməramlı və rifahlı gələcək naminə birgə işləyirik. Müstəqillik asan qazanılmamışdır. Azadlığın nəyin bahasına əldə edildiyini xatırlamalıyıq. Mən, bütün azərbaycanlıları ölkələrinin gələcəyini qurarkən  güclərini tarixlərinin ən şanlı səhifələrindən almağa çağırıram. Bir daha müstəqillik gününüz mübarək olsun!

MÜSTƏQİLLİK GÜNÜN MÜBARƏK, AZƏRBAYCAN!" - Son təbrikini səfir Azərbaycan dilində edib.




Xəbər lenti

17 Noyabr
16 Noyabr











ASAN Radio telefonunuzda
Facebook