Hindistanın şimal-qərbində yerləşən Pəncab əyalətinin Amritsar şəhəri yaxınlığında qatarın dini bayramda iştirak edən insanları vurması nəticəsində ən azı 61 nəfər həlak olub, 72 nəfər yaralanıb.
AZƏRTAC TASS informasiya agentliyinə istinadla xəbər verir ki, qəza baş verən zaman dəmir yolu xətlərinin üzərində 700-dək insan olub. Onlar “Ramayana” eposunun qəhrəmanlarından biri - Ravananın müqəvvasının yandırılması mərasimini izləyirmiş.
Hadisə axşam saatlarında baş verdiyi üçün yüksək sürətlə hərəkət edən qatarın sürücüsü izdihamı görməyib, insanlar isə mərasimdəki səs-küy səbəbindən qatarın yaxınlaşdığını hiss etməyiblər.
Faciə ilə əlaqədar Pəncab əyalətində matəm elan olunub. Hökumət həlak olanların ailələrinə 500 min rupi (təxminən 6,8 min dollar) həcmində təzminat ödənilməsi barədə göstəriş verib.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!