USD - 1.7 EUR - 1.935 RUB - 0.0256 TRY - 0.3174 DAHA ÇOX
SON DƏQİQƏ
“ASAN xidmət” müvafiq dövlət xidmətlərinin alternativsiz formada həyata keçirildiyi vahid məkana çevrilir Futbol üzrə 2022-ci il dünya çempionatında 48 yığma komanda çıxış edə bilər 20 Yanvar günü bu yollar bağlı olacaq  Prezidentin fərmanı ilə bağlı "ASAN xidmət"də  İşçi Qrup yaradılıb Növbəti 2-3 gün ərzində hava şəraiti mülayimləşəcək, temperatur yüksələcək
Azərbaycanda yeni peşə təhsili mərkəzləri yaradılır

10 yeni peşə təhsil mərkəzinin yaradılması barədə Nazirlər Kabinetinə təkliflər hazırlanıb.

Azvision.az xəbər verir ki, bunu Mingəçevir Asan Peşə Təhsili Mərkəzində media nümayəndələrinin suallarını cavablandıran Dövlət Peşə Agentliyinin direktor əvəzi Amil Əlili deyib.

O, bildirib ki, ilkin rasionallaşdırma nəticəsində 83 peşə təhsili müəssisəsi yaradılıb: "Bu gün ölkədə mövcud olan peşə ixtisası təhsili müəssisələrinin çoxunda məcburi köçkün və qaçqınlar məskunlaşıb. Bu da onların infrastrukturunun, yəni tələblərə uyğun quraşdırılmasını çətinləşdirir. Hazırda 10 minə yaxın məcburi köçkün soydaşımız peşə təhsili müəssisələrində, o cümlədən pilot peşə təhsili mərkəzlərinin 5-də məskunlaşıb. Məcburi köçkünlər çıxarıldıqdan sonra həmin müəssisələrin yenidən qurulması nəzərdə tutulub".

A.Əlili son illərdə peşə ixtisaslarına marağın artdığını bildirib. "Əvvəlki illərdə orta attestat balı aşağı olanlar müraciət edirdisə, hazırda orta məktəbləri 4 və 5 qiymətləri ilə bitirənlər də müraciət edir. Belə tələbələrin sayı 3 dəfədən çox artıb. Belə ki, 2016- 2017-ci ildə belə məzunların sayı 10-a yaxın idisə, 2018- 2019- cu ildə belə tələbələrin sayı 70-dən çoxdur. Lakin peşə təhsilinə maraq hələ də azdır. Belə ki, peşə təhsilinə müraciət edənlər 11 faiz təşkil edir. Beynəlxalq təcrübədə isə bu minimum 40 faizdir".

A.Əlili bildirib ki, son 2 ildə 170-dən çox ixtisas üzrə kadr hazırlığı həyata keçirilib: "Son 2 ildə turizm üzrə hazırlanan 160 nəfərdən 90 nəfəri 4 və 5 ulduzlu otellərdə işlə təmin olunub. Peşə ixtisası ilə bağlı qəbul işə götürənlərin sifarişləri əsasında formalaşır və ona əsasən bilirik ki, hansı kadrlara ehtiyac var. Əsas 4 prioritet istiqamət üzrə-sənaye, kənd təsərrüfatı, İT ixtisası, turizm üzrə kadr hazırlığına üstünlük verilir. Qəbul planı hazırlanarkən əmək bazarının sorğuları əsasında hansı kadrlara ehtiyac olduğu müəyyən edilir və bu istiqamətlər üzrə kadrlar hazırlanır. Hazırda peşə təhsilinin 23 minə qədər tələbə kontingenti var".

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio