Oktyabrın 30-da Bakıda Kənd Təsərrüfatı Nazirliyinin “AMAL” adlı yeni layihəsinin təqdimatı keçirilir.
ASAN Radio xəbər verir ki, layihə çərçivəsində Gənc Fermerlər Proqramı və Kənd Təsərrüfatı Sahəsində Peşə Təhsili Proqramı həyata keçirilməklə, gənclərin məşğulluq imkanlarının artırılması üçün zəruri olan bilik və bacarıqlara sahib olması, texnoloji yeniliklərin tətbiq edilməsi ilə bağlı müvafiq təlimlərin keçirilməsi nəzərdə tutulub.
Tədbirdə çıxış edən kənd təsərrüfatı nazirinin müavini İlhamə Qədimova ölkəmizdə kənd təsərrüfatının inkişafı istiqamətində aparılan məqsədyönlü islahatlardan, gənclərin aqrar sektorda məşğulluğu ilə bağlı dövlətimiz tərəfindən görülən işlərdən söz açıb.
Nazir müavini, həmçinin sözügedən layihənin ölkədə gənclər siyasətinin daha səmərəli həyata keçirilməsinə töhfə verəcəyini, gənclərin məşğulluq məsələlərinə diqqətin artırılacağını qeyd edib.
Qeyd olunub ki, 2018-2020-ci illəri əhatə edəcək layihəyə FAO tərəfindən 10 milyon dollar ayrılacaq.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!