“QəbuldASAN” verilişinin budəfəki qonağı Bakı Beynəlxalq Multikulturalizm Mərkəzinin Himayəçilik Şurasının sədri, Azərbaycan Dillər Universitetinin rektoru, akademik Kamal Abdulla oldu. O, təxminən bir saat ərzində müxtəlif səpkili sualları cavablandırdı.

Kamal Abdulla VI Bakı Beynəlxalq Humanitar Forumunun keçirilməsinin əhəmiyyətini yüksək qiymətləndirib. Oktyabrın 29-da Bakı Beynəlxalq Multikulturalizm Mərkəzinin Himayəçilik Şurasının hesabat yığıncağından danışıb. “Azərbaycan Multikuralizmi” dərsliyinin  ingilis dilində nəşrindən məlumat verib. 

Rektor Azərbaycan Dillər Universitetində görülən işlər danışıb. “Bir günlük xəlifə” layihəsindən danışarkən rektor qeyd edib ki, layihə müddətində verilən təkliflərin böyük əksəriyyəti yerinə yetirilir. Xatırladım ki, “Bir günlük xəlifə” layihəsi çərçivəsində tələbələr bir gün ərzində universitetin rəhbər strukturlarını idarə edir. 

ADU-dan tələbələr ASAN Radioda təcrübə keçirlər və biz görürük ki, əksər hallarda xarici dildə danışa bilmir, dil bilgiləri zəif olur, bu nə ilə bağlıdır? - sualına rektorun cavabı belə olub: "Dünyanın bütün universitetlərində tələbələr eyni deyil və ola da bilməz. Kim ki dili bilmir, o universitetdən xaric edilir."