USD - 1.7 EUR - 1.9288 RUB - 0.0264 TRY - 0.311 DAHA ÇOX
SON DƏQİQƏ
AÇ-2020-nin maskotu təqdim olundu Apreldən müharibə veteranlarına Prezident təqaüdü təyin olunacaq Bu gün Sumqayıtın bir hissəsində işıq olmayacaq Sabah hava necə olacaq? Türkmənistan qazı Avropaya Azərbaycandan ixrac ediləcək - Tramp dəstəkləyib
Lionel Messi özünün xeyriyyə fondu vasitəsilə çirkli “pulları yumaqda” ittiham edilib

“Todo Noticias” telekanalının yaydığı məlumata görə, Argentina prokuroru Pablo Turano “Barselona” komandasının futbolçusu Lionel Messini və onun atasını çirkli “pulları yumaqda” ittiham edib.

 

AZƏRTAC TASS agentliyinə istinadla xəbər verir ki, prokuror “Leo Messi” xeyriyyə fondundan çirkli “pulların yuyulması” üçün istifadə edilməsi ehtimalına görə, bu fondun fəaliyyətinin yoxlanmasını xahiş edir. İttiham tərəfinin fikrincə, fondun aldığı ianələr ofşor zonalarındakı hesablara köçürülürmüş. Bu təhqiqatın davam etdirilməsi üçün kifayət qədər əsas olub-olmadığını məhkəmə müəyyən etməlidir.

 

Turano Messiyə qarşı bu ittihamları Fondun sabiq əməkdaşlarından biri məhkəmədə ifadə verəndən sonra irəli sürüb. Həmin şəxsin sözlərinə görə, alınmış ianələr sosial layihələr üçün istifadə edilməyib.

 

Argentinalı futbolçunun bundan əvvəl də vergidən yayınma ilə əlaqədar problemləri olub. 2017-ci ildə Messini vergidən yayındığına görə Barselona məhkəməsi onun 21 ay azadlıqdan məhrum edilməsi barədə hökm çıxarıb, lakin o vaxt futbolçu 255 min avro cərimə ödəyərək həbsdən yaxa qurtarıb.

 

Messi 2004-cü ildən “Barselona”nın heyətində çıxış edir. Bu müddətdə o, doqquz dəfə İspaniya çempionu, beş dəfə İspaniya kubokunun sahibi, dörd dəfə Çempionlar Liqasının qalibi olub və beş dəfə “Qızıl top” mükafatına layiq görülüb.

 

Argentina yığmasının heyətində oynayarkən Messi 2008-ci il Pekin Yay Olimpiya Oyunlarının qalibi olub. Bu hücumçu dörd dəfə dünya çempionatlarında iştirak edib. Argentina yığması ən yaxşı nəticəni 2014-cü ildə Braziliyada göstərərək gümüş medallara layiq görülüb.

 

AZƏRTAC xatırladır ki, Messi həmin turnirin ən yaxşı oyunçusu hesab edilib.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio