İspaniyanın paytaxtı Madriddə keçirilən karate üzrə dünya çempionatında kumite üzrə komanda yarışlarına start verilib.
Rafael Ağayev, Şahin Atamov, Asiman Qurbanlı, Murad Hacızadə, Pənah Abdullayev, Turqut Həsənov və Rafiz Həsənovdan ibarət millimiz meydan sahibi İspaniyaya 3:1, Belarusa 2:1 və Misirə 3:1 hesabı ilə qalib gəlsə də, yarımfinalda Türkiyə ilə heç-heçə edib - 2:2.
Lakin şəxsi görüşlərdə hesab 14:7 türklərin xeyrinə olduğundan, qardaş ölkə təmsilçiləri finala çıxıb.
Millimiz noyabrın 11-də bürünc medal uğrunda görüşə çıxacaq.
Qeyd edək ki, bu gün həmçinin kumitedə İrina Zaretskaya və para-karatedə Sahib Əhədov final, beşqat dünya çempionumuz Rafael Ağayev isə bürünc medal görüşünə çıxacaq. Həlledici görüşlər İctimai TV vasitəsilə canlı yayımlanacaq.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!