USD - EUR - RUB - TRY - DAHA ÇOX
YENİLİKLƏR
Mənəvi dəyərlər: Əxlaq və din Mərkəzi Bankın departament direktoru ASAN Radioda sualları cavablandıracaq  “ASAN Həyat” verilişində “Baku FinTech Forum 2023” tədbiri barədə danışılacaq "Su Gündəmi" verilişində mütəxəssislərə sual verə bilərsiniz "Həyat sığorta ilə rahat"
Yaxın vaxtlarda vergilər sahəsində köklü islahatlar olacaq

"Əmək münasibətlərinin rəsmiləşdirilməsi, vətəndaşların əmək və sosial hüquqlarının qorunması sahəsində mövcud olan problemlərin həlli dünyanın bütün ölkələrində olduğu kimi, Azərbaycan üçün də olduqca əhəmiyyətlidir. Qeyri-formal məşğulluq əmək bazarının tənzimlənməsinə, vergi, sosial sığorta və digər məcburi ödənişlərin həyata keçirilməsinə, işçilərin gələcək sosial təminat hüquqlarına malik olmasına ciddi maneə yaradır".

Bu barədə "Report"a Nazirlər Kabinetinin Əmək Münasibətlərinin Tənzimlənməsi və Koordinasiyası Komissiyasından məlumat verilib. 

Qeyd olunub ki, Azərbaycanda qeyri-formal əmək münasibətlərinin aradan qaldırılması istiqamətində ciddi addımlar atılmaqdadır: "Ölkədə işəgötürən-işçi münasibətlərinin rəsmiləşdirilməsi, əməyin ödənişinin təşkilinə nəzarət mexanizmlərinin təkmilləşdirilməsi və bu sahədə dövlət orqanları arasında daha səmərəli koordinasiya olunmuş siyasətin həyata keçirilməsi məqsədilə 2017-ci ilin mart ayının 17-də Azərbaycan Prezidenti İlham Əliyevin sərəncamı ilə aidiyyəti dövlət qurumlarının və hökümətin sosial tərəfdaşlarının rəhbərlinin iştirakı ilə Əmək Münasibətlərinin Tənzimlənməsi və Koordinasiyası Komissiyası yaradılmış və 2017-ci ilin 9 oktyabr tarixində “Azərbaycan Respublikasında qeyri-rəsmi məşğulluğun qarşısının alınmasına dair Tədbirlər Planı” təsdiq edilib. Tədbirlər Planına uyğun olaraq, normativ hüquqi aktların və inzibatçılığın təkmilləşdirilməsi, nəzarət tədbirlərinin gücləndirilməsi, monitorinq və qiymətləndirmə sisteminin qurulması, məlumatlandırma və təbliğat işlərinin təşkili ilə bağlı 36 tədbirin həyata keçirilməsi nəzərdə tutulub.

Ölkədə qeyri-formal məşğulluğun qarşısının alınması məqsədilə Komissiya yanında müvafiq işçi qruplar yaradılıb, mövcud hüquqi baza təkmilləşdirilib və bir sıra normativ hüquqi aktlara dəyişikliklər edilməsi barədə layihələr hazırlanıb.

Son dövrlər Komissiyanın apardığı səmərəli fəaliyyət nəticəsində ölkə üzrə leqal fəaliyyət göstərən işçilərin və fiziki şəxs olan aktiv fərdi sahibkarların sayında əhəmiyyətli artım müşahidə edilməkdədir.

Bu ilin oktyabrın 31-nə olan məlumata əsasən, ölkədə əmək müqaviləsi ilə işləyənlərin sayı 2017-ci ilin sonu ilə müqayisədə 75 min nəfər artaraq 1.386.145 nəfər təşkil edib. Ümumiyyətlə isə, “Əmək Münasibətlərinin Tənzimlənməsi və Koordinasiyası Komissiyasının” yaradıldığı 2017-ci ilin mart ayından keçən müddət ərzində əmək fəaliyyəti leqallaşdırılan işçilərin sayı 120 min nəfərdən çox olub ki, bu da bütün muzdlu işçilərin təxminən 9%-ni təşkil edir. Fəaliyyət sahələri üzrə ən çox leqallaşma halları tikintidə, pərakəndə və topdansatış və iaşə sahələrində müşahidə edilib.

Həmçinin 2018-ci ilin 1 oktyabr tarixinə olan məlumata görə, Vergilər Nazirliyində qeydiyyatda olan aktiv fiziki şəxs fərdi sahibkarların sayı ilin əvvəli ilə müqayisədə 23 min nəfər artaraq 351.607 nəfər təşkil edib.

2018-ci il 1 oktyabr tarixinə Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunda qeydiyyatda olan sığortaolunanların sayı 3 690 120 nəfər təşkil edir. Bu da ötən ilin müvafiq dövrü (3 528 466 nəfər) ilə müqayisədə 161 654 nəfər və ya 4,6 faiz çoxdur.

Qeyri-formal məşğulluğun aradan qaldırılması üçün müvafiq qurumlar birgə fəaliyyət göstərir, məsələyə kompleks yanaşılaraq yalnız inzibati tədbirlər deyil, həmçinin stimullaşdırıcı və maarifləndirici tədbirlər də həyata keçirilir. Artıq ictimayyətə məlumat verildiyi kimi yaxın vaxtlarda vergilər sahəsində köklü islahatların həyata keçirilməsi qeyri-rəsmi məşğulluğun aradan qaldırılmasına ciddi təkan verəcək".

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 44
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 44 (daxili 80695)

“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb. 

24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb. 

“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.

“ASAN Radio” dövlət xidmətləri sahəsində ixtisaslaşan ilk və yeganə radiodur.

Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır. 

Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir. 

“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır. 

Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz. 

“ASAN Radio” - Dəqiq, Operativ, Faydalı!