2016-cı ilin ilk 5 ayı ərzində Gürcüstana rekord sayda turist səyahət edib.
Trend-in "Sputnik-Georgia"ya istinadən verdiyi məlumata görə, bu barədə Gürcüstanın Baş naziri Georgi Kvirikaşvili bildirib.
O qeyd edib ki, cari ilin 5 ayı ərzində Gürcüstana gələnlərin sayında rekord artım qeydə alınıb: "2016-cı ilin may ayına olan məlumata görə, xaricdən gələnlərin sayı 14,9%, Gürcüstanda 24 saat və ya daha artıq qalan turistlərin sayı isə 24,3% artıb. Bu, çox müsbət göstəricidir".
G.Kvirikaşvilinin sözlərinə görə, Gürcüstana təkcə qonşu ölkələrdən deyil, Avropa İttifaqı dövlətlərindən də gəlirlər ki, bu da çox önəmlidir.
Milli Turizm Administrasiyasının məlumatına görə, son 5 ay ərzində ölkəyə 2 119 275 nəfər səyahət edib. Turistlərin sayı isə 782 814 nəfər təşkil edib.
Ziyarət sayı baxımından qonşu ölkələrin sakinləri liderlik edir. Birinci yerdə 570 825 nəfərlə Azərbaycan qərarlaşıb. Onun ardınca 524 071 nəfərlə Turkiyə gəlir.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!