USD - EUR - RUB - TRY - DAHA ÇOX
YENİLİKLƏR
Mənəvi dəyərlər: Əxlaq və din Mərkəzi Bankın departament direktoru ASAN Radioda sualları cavablandıracaq  “ASAN Həyat” verilişində “Baku FinTech Forum 2023” tədbiri barədə danışılacaq "Su Gündəmi" verilişində mütəxəssislərə sual verə bilərsiniz "Həyat sığorta ilə rahat"
Yunanıstanda 8 ildən sonra ilk dövlət büdcəsi təsdiqləndi

Yunanıstan parlamenti 8 illik maliyyə böhranından sonra ölkənin beynəlxalq maliyyə qurumlarının diktəsindən kənar ilk müstəqil dövlət büdcəsini təsdiq edib. 

Azvision.az “Reuters”ə istinadən xəbər verir ki, 2 saat sürən qızğın parlament müzakirələrindən sonra deputatların 154-ü büdcə layihəsinin lehinə, 143-ü isə əleyhinə səs veriblər.

Müxalif deputatların birindən başqa hamısı “SİRİZA” və Azad Yunanlar partiyalarının formalaşdırdığı koalisiya hökumətinin irəli sürdüyü büdcə layihəsinə qarşı çıxıb. 

"8 illik kəmər sıxma siyasətindən sonra bu gün biz post-memorandum dövrünün ilk büdcəsinə səs veririk. Bu büdcənin sahibi bizik və bu, Yunanıstanın yenidən azad olduqdan sonra ilk dövlət büdcəsidir" – Yunanıstanın baş naziri Aleksis Tsipras parlamendə çıxışında deyib. 

Yunanıstanın 2019-cu il büdcəsində ümumi daxili məhsulun (ÜDM) 2,5% artacağı proqnozlaşdırılıb. Həmçinin, ilkin mənfəətin 3,6%-ə çatdırılması nəzərdə tutulub ki, bu mənfəətə dövlət borcunun ödənişi aid edilməyəcək. 

Sənədə ümumilikdə 900 milyon avro həcmində vergi, sığorta ödəmələrində endirim və sosial müavinətlərdə artımı nəzərdə tutan paket də daxil edilib. Eyni zamanda ölkədəki işsizlik səviyyəsinin 18,6 faizdən 16,7 faizə endirilməsi planlaşdırılıb. 2019-cu ildə pensiyaların azaldılması ilə bağlı maddə isə Avropa İttifaqının məsləhəti ilə büdcə layihəsindən çıxarılıb. Büdcə qanununa əsasən, hazırda Yunanıstanın dövlət borcu 335 milyard avrodur və onun böyük hissəsi ölkəni maliyyə böhranından çıxarmağa kömək etmiş beynəlxalq kreditorlara olan borcdur. 

Xatırladaq ki, 2008-ci ilin qlobal maliyyə böhranından sonra yüksək büdcə kəsiri və dövlət borcu səbəbindən Yunanıstan dövləti demək olar ki, müflis olmuşdu. Ölkəni düşdüyü maliyyə böhranından qurtarmaq üçün kəmər sıxma və sərt islahatlar qarşılığında Avropa Sabitlik Mexanizmi 2010, 2012 və 2015-ci illərdə Yunanıstana üç xilasetmə proqramı çərçivəsində ümumilikdə 289 milyard avroluq kredit yardımı ayırıb. Bu, qlobal maliyyə tarixinin ən irihəcmli xilasetmə paketi olub. 

Yunanıstanı böhrandan xilasetmə proqramı bu ilin 20 avqustunda başa çatsa da, proqram bitəndən sonra ölkənin öz ayaqları üzərində dura bilməsi üçün Avropa Sabitlik Mexanizmi Afinaya sonuncu kredit yardımı – 15 milyard avro da verəcək. Həmçinin, Avropa İttifaqı Yunanıstanın aldığı borcları ödəməsinin asanlaşdırılması üçün kredit müddətini daha 10 ilə uzatmaq barədə razılığa gəlib. 

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 44
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 44 (daxili 80695)

“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb. 

24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb. 

“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.

“ASAN Radio” dövlət xidmətləri sahəsində ixtisaslaşan ilk və yeganə radiodur.

Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır. 

Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir. 

“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır. 

Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz. 

“ASAN Radio” - Dəqiq, Operativ, Faydalı!