Bakı Şəhər Baş Polis İdarəsi Dövlət Yol Polisi İdarəsinin əməkdaşları paytaxtın küçə və prospektlərində piyadalarla bağlı maarifləndirici tədbir keçirib.
Daxili İşlər Nazirliyinin mətbuat xidmətindən Azvision.az -a verilən məlumata görə, tədbirdə yol hərəkəti qaydalarını pozan piyadalar müəyyənləşdirilib. Yol hərəkəti təhlükəsizliyi ilə bağlı riayət edilməli olan qaydalar onların diqqətinə çatdırılıb.
Bakı metrosunun “20 Yanvar” və “İnşaatçılar” stansiyalarının ətrafında keçirilən tədbirlər zamanı yol hərəkəti qaydalarını pozduğu üçün 50-dən artıq piyadaya xəbərdarlıq edilib. Onlara piyada keçidindən istifadənin vacibliyi izah olunub. Xəbərdarlığa məhəl qoymayan piyadalar barəsində inzibati protokol tərtib edilib.
Tədbir zamanı piyadaların daha çox “20 Yanvar” dairəsindəki körpünün altında qaydaları pozduqları diqqət çəkib. Belə ki, Bakı-Sumqayıt və digər istiqamətlərdə taksi fəaliyyəti ilə məşğul olan sürücülər sərnişinləri məhz körpünün altında avtomobillərdən düşürürlər. Nəticədə sərnişinlər yolu keçən zaman təhlükə ilə üzləşirlər. Yol polisi əməkdaşları bu qayda pozuntusuna şərait yaradan sürücülərə də ciddi xəbərdarlıq edib.
Bakı Şəhər Baş Polis İdarəsi Dövlət Yol Polis İdarəsinin əməkdaşları bu istiqamətdə maarifləndirici tədbirləri bundan sonra da davam etdirməyi planlaşdırırlar.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!