USD - EUR - RUB - TRY - DAHA ÇOX
YENİLİKLƏR
Mənəvi dəyərlər: Əxlaq və din Mərkəzi Bankın departament direktoru ASAN Radioda sualları cavablandıracaq  “ASAN Həyat” verilişində “Baku FinTech Forum 2023” tədbiri barədə danışılacaq "Su Gündəmi" verilişində mütəxəssislərə sual verə bilərsiniz "Həyat sığorta ilə rahat"
"Çelsi" və "Arsenal" klublarına ayrılan biletlərdən satılmayanları Bakıya göndərilib

AFFA İngiltərənin "Arsenal" və "Çelsi" komandalarının Bakıdakı Avropa Liqasının final oyunu üçün biletlərdən imtina etməsinə dair iddialara aydınlıq gətirib.

Qurumun Mətbuat və ictimaiyyətlə əlaqələr şöbəsinin müdiri Firuz Abdulla "Report"a açıqlamasında UEFA-nın verdiyi hərəyə 6000 biletdən "Çelsi"nin 3500-nü, "Arsenal"ın isə 4500-nü öz azarkeşlərinə satdığını söyləyib.

Federasiya rəsmisi bildirib ki, həlledici qarşılaşmaya vaxtın az qaldığını və Azərbaycanda biletlərə tələbatın çox olduğunu nəzərə alan AFFA UEFA-ya müraciət edərək, qalan 4000 biletin Bakıda satılmasını istəyib: "Burada biletə tələbat çoxdur. Gün ərzində bununla bağlı yüzlərlə zəng qəbul edirik. Həmin 4000 bilet artıq Bakıya göndərilib və dünəndən etibarən iTicketin kassalarında satışa çıxarılıb".

F.Abdulla həmçinin hər iki komandanı izləmək üçün Bakıya yetərincə fanatın gələcəyini söyləyib: "Klublara UEFA tərəfindən 6 min biletin verilməsi o demək deyil ki, hər biri üçün bu sayda da azarkeş gələcək. Bu, klublar üçün verilir ki, azarkeşlər bileti daha rahat əldə edə bilsinlər. "Arsenal" azarkeşlərinin həmin biletlərdən savayı bilet aldıqlarını heç kim inkar edə bilməz. Həmin sayda bilet ona görə ayrılır ki, bütün biletlər satılar və komandanın azarkeşinə qalmaz. Klubun azarkeşinin UEFA-nın saytı vasitəsi ilə də bilet əldə etmək imkanı var. Məcbur deyil ki, klubun satışa çıxardığından alsın".

Qeyd edək ki, mayın 29-da Bakı Olimpiya Stadionunda keçiriləcək final matçı saat 23:00-da başlayacaq.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 44
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 44 (daxili 80695)

“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb. 

24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb. 

“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.

“ASAN Radio” dövlət xidmətləri sahəsində ixtisaslaşan ilk və yeganə radiodur.

Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır. 

Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir. 

“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır. 

Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz. 

“ASAN Radio” - Dəqiq, Operativ, Faydalı!