Bu gün Avropanın ən böyük güc mərkəzlərindən olan Berlində Xocalı soyqırımının 28-ci ildönümü ilə əlaqədar ümumavropa Qarabağ mitinqi keçiriləcək. Avropada yaşayan azərbaycanlılar keçirəcəyi aksiyanın təşəbbüsü dünyanın 30-a yaxın ölkəsində fəaliyyət göstərən Azərbaycan diaspor təşkilatları tərəfindən irəli sürülüb.

Tədbirə Almaniya Azərbaycanlıları Alyansının təşkilatçılıq edəcək. Yerli vaxtla saat 13:00-da Berlin şəhərindəki Brandenburq qapıları yaxınlığındakı Paris meydanında keçiriləcək tədbir yerli və xarici telekanallarda yayımlanacaq.

Xocalı soyqırımının 28-ci ildönümü ərəfəsində keçiriləcək mitinqin iştirakçıları “Qarabağ Azərbaycandır!”, “Biz terrora yox deyirik!”, “Azərbaycan ədalət tələb edir!”, “Xocalıya biganə qalma!”, “Dinc və günahsızların qatillərinə ar olsun!”, “Erməni yalanlarına dur de!”, “İşğalı dayandırın!”, “Qarabağ haqqımızdır!” kimi şüarlarla beynəlxalq təşkilatlara çağırış edəcəklər.

Mitinqdə Türkiyə diasporunun da nümayəndələri qatılacaq. Ümumavropa Qarabağ mitinqinin sonunda yekun sənədin qəbulu və bir sıra beynəlxalq təşkilatlara ünvanlanması planlaşdırılıb.