Bu gün Azərbaycan klubları futbol üzrə Avropa Liqasında II təsnifat mərhələsinin ilk görüşlərini keçirəcəklər.
"Report"un məlumatına görə, "Neftçi" evdə, "Qəbələ" və "Kəpəz" isə səfərdə oynayacaq.
Flaqman Makedoniya "Şkendiya"sını qəbul edəcək. Əvvəlki mərhələdə bakılılar Maltanın "Baltsan"ınını (səfərdə 2:0, evdə 1:2), Tetovo şəhər təmsilçisi isə Polşa "Krakovya"sını (evdə 2:0, səfərdə 2:1) üstələyib.
"Kəpəz" Avstriyada "Admira Vakker"in qonağı olacaq. Gəncəlilər daha əvvəl Moldova "Daçiya"sını (evdə 0:0, səfərdə 1:0) mübarizədən kənarlaşdıraraq, tarixində ilk dəfə avrokuboklarda mərhələ adlayıb. "Admira" isə Slovakiyanın "Spartak" (Miyava) səddini keçib - 1:1, 3:2.
Nəhayət, "Qəbələ" Macarıstanda MTK ilə üz-üzə gələcək. "Qırmızı-qaralar" I təsnifat mərhələsində Gürcüstan "Samtredia"sını iki oyunun nəticəsində (5:1, 1:2) yenibsə, MTK Qazaxıstan "Aktobe"sindən üstün olub - 1:1, 2:0.
Avropa Liqası
II təsnifat mərhələsi, ilk oyunlar
14 iyul
20:00. "Neftçi" (Azərbaycan) - "Şkendiya" (Makedoniya)
Baş hakim: Sergey Tsinkeviç
Yan xətt hakimləri: Yevgeni Romanov, Vitali Malyutin
Dördüncü hakim: Viktor Şimusik (hamısı Belarus)
Bakı, "Bakcell Arena"
21:00. "Admira" (Avstriya) - "Kəpəz" (Azərbaycan)
Baş hakim: Pavle Radovanoviç
Yan xətt hakimləri: Dimitriye Mrqudoviç, Aleksandar Cikanoviç
Dördüncü hakim: Miloş Savoviç (hamısı Monteneqro)
Sent-Polten, "NV Arena"
22:30. MTK (Macarıstan) - "Qəbələ" (Azərbaycan)
Baş hakim: Boyan Panciç
Yan xətt hakimləri: Ştefan Hallberq, Maqnus Syöblom
Dördüncü hakim: Mohammed Əl-Hakim (hamısı İsveç)
Dyör, "Dyirmoti" stadionu.
Qeyd edək ki, "Kəpəz" cavab görüşünü iyulun 20-də, "Neftçi" və "Qəbələ" isə iyulun 21-də keçirəcək. Avroliqanın III təsnifat mərhələsinin püşkü isə iyulun 15-də atılacaq.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!