USD - 1.7 EUR - 2.0652 RUB - 0.0232 TRY - 0.2306 DAHA ÇOX
SON DƏQİQƏ
Yanvarın 18-dən 5 şəhər və 12 rayonda SMS icazə sistemi ləğv olunur Operativ Qərargah: Xüsusi karantin rejiminin müddətinin aprelin 1-dək uzadılmasına qərar verilib “YAŞAT” Fondu tərəfindən qazilərimizin səhhətinin bərpası ilə bağlı mühüm addımlar atılır. Gənclər üçün incəsənət həftəsi keçirilib Azərbaycan Minatəmizləmə Agentliyi yaradıldı
ABŞ Konqresinin Nümayəndələr Palatası Trampın impiçmentinə səs verib  

ABŞ Konqresinin Nümayəndələr Palatası hazırkı prezident Donald Trampın impiçmentinə səs verib.

APA “RİA Novosti”yə istinadən xəbər verir ki, impiçment yeganə maddəyə - qiyama çağırışa görə elan edilib.

Prezidentin impiçmentinin lehinə 232, əleyhinə 197 Konqres üzvü səs verib, 5 nəfər isə səs verməyib. Qətnamədə deyilir ki, dövlət başçısının hərəkətləri konstitusiya üzrə “ağır cinayətlər və əməllər” anlayışına uyğun gəlir. Konqresmenlərin qərarı Donald Trampı barəsində aşağı palata tərəfindən iki dəfə impiçment elan edilmiş ilk prezident kimi ABŞ tarixinə yazıb.

 

Trampın vaxtından əvvəl hakimiyyətdən uzaqlaşdırılması üçün onun Senatda da impiçmentinə dair qərar verilməsi lazımdır, ancaq Respublikaçılar hələ də Senatı yanvarın 20-də keçiriləcək Co Baydenin andiçmə mərasimindən əvvəl tətildən geri çağırmaqla bağlı razılığa gəlməyiblər. Üstəlik, qanunverici orqanın yuxarı palatasının qrafikinə görə, o, yalnız Trampın vəzifə səlahiyyətləri bitdikdən sonra impiçment məsələsinə baxa bilər. Ümumiyyətlə, Senat yanvarın 19-dək səsvermə tələb edən heç bir vacib mövzunun müzakirəsi üçün toplaşmayacaq. Trampın vəzifəsindən getdikdən sonra impiçment ediləcəyi də dəqiq deyil, çünki Konqres tarixində belə bir təcrübə qeydə alınmayıb.

Qeyd edək ki, yanvarın 6-da ABŞ prezidenti Donald Tramp Ağ Ev yaxınlığında təşkil olunmuş mitinqdə çıxış edərkən tərəfdarlarını həmin vaxt seçki nəticələrinin Konqres tərəfindən təsdiqlənməsi ilə bağlı yürütdükləri mübahisədə “zəif Respublikaçılara kömək etmək” üçün Kapitoli binasına doğru getməyə çağırıb. Hazırkı prezidentin tərəfdarlarından ibarət dəstə Kapitoli binasını mühasirəyə alıb, binaya daxil olaraq prezident seçkilərində qalib gəlmiş Co Baydenin qələbəsinin təsdiqləndiyi Konqresin birgə sessiyasını yarımçıq kəsiblər. Bundan sonra əraziyə milli qvardiyaçılar cəlb olunub, iğtişaşlar zamanı, həmçinin beş nəfər ölüb.

Bundan sonra Konqresdəki Demokratlar hazırkı prezidentin vəzifə səlahiyyətlərini yerinə yetirə bilməməsi ilə bağlı Konstitusiyaya 25-ci düzəlişi əsas tutaraq, vitse-prezident Mayk Pensi Trampı vəzifəsindən uzaqlaşdırmağa çağırıblar. Ancaq Pens bundan imtina edib.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti cənab İlham Əliyevin tapşırığı ilə yaradılan ASAN Radio 24 dekabr, 2015-ci il tarixində yayıma başlayıb. Dövlət xidmətləri sahəsində ixtisaslaşan ilk və yeganə radiodur. Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının iclasında verilib. ASAN Radio gün ərzində xəbərləri operativ çatdırır. Sosial mediada fəallığı ilə seçilir. İnternet üzərindən canlı yayım, audio, videoreportajlar yayımlayır, asanradio.az saytı daim yenilənir. ASAN Radio dövlət qurumları, beynəlxalq təşkilatlar və aparıcı şirkətlərlə əməkdaşlıq edir. Faydalı layihələr, proqramlar hazırlayır. ASAN Radio gələcəyin media işçilərini yetişdirir. ASAN könüllüləri, ADA Universitetinin, Azərbaycan Dillər Universitetinin, Bakı Dövlət Universitetinin, Bakı Slavyan Universitetinin jurnalistika fakültəsinin tələbələri radioda təcrübə keçirlər. ASAN Radio dinləyicisi üçün yalnız zövqlü musiqi səsləndirir. ASAN Radio mühüm sosial layihələrə informasiya dəstəyi göstərir. İrimiqyaslı yarışların, tədbirlərin, sərgilərin eksklüziv radio tərəfdaşıdır. ASAN Radionu asanradio.az saytından, mobil tətbiqlərdən dinləmək mümkündür. Azərbaycanda fəaliyyət göstərən 20 “ASAN xidmət” (Bakıda 5, bölgələrdə 15) və 2 “ASAN Kommunal” mərkəzində ASAN Radio səsləndirilir. Statistikaya görə hər ay 200.000 insan bu xidmətdən istifadə edir. Başqa sözlə bu qədər insan radiomuzu eşidir. ASAN Radio Azərbaycanın 82%-ni əhatə edir. Şuşada yayımlanan ilk radio – ASAN Radio oldu. İşğaldan azad olunan digər şəhər rayonlarda bizi 95.6 FM-də dinləmək mümkündür. Ümumilikdə, ASAN Radio respublika ərazisində 100 FM, 96.5 FM, 95.6 FM və 92.7 FM-də yayımlanır. ASAN Radio – Operativ Məlumat dalğası!
© 2018 ASAN Radio