Bu gün Çempionlar Liqasında III təsnifat mərhələsinin cavab oyunlarına start veriləcək.
Apasport.az saytının məlumatına görə, günün ilk qarşılaşması Bakıda baş tutacaq. Azərbaycan çempionu “Qarabağ” öz meydanında Çexiyanın “Viktoriya” klubunu qəbul edəcək. Ardıcıl 3-cü dəfə bu mərhələyədək irəliləyən Qurban Qurbanovun yetirmələri qitənin ən nüfuzlu klub turnirinin pley-offuna yüksəlmək üçün mübarizə aparacaq.
Səfərdə qolsuz heç-heçə edən Ağdam təmsilçisi avrokuboklarda yubiley – 70-ci görüşdə azarkeşlərini qələbə ilə sevindirməyə çalışacaq. Maksim Medvedevin “ağ-göylər”in heyətindəki 300-cü qarşılaşmasına tarix yazmağa yaxın olan “Qarabağ” qapısının toxunulmazlığını da düşünməlidir. Çünki qollu heç-heçə qonaqları növbəti mərhələyə daşıyacaq. Bu üzdən mütləq qalib gəlməli olan çempionumuz görüşün taleyini penaltilər seriyasına – “lotereya”ya qədər həll etmək niyyətindədir.
Qeyd edək ki, Tofiq Bəhramov adına Respublika stadionundakı matç saat 20:30-da başlayacaq.
Çempionlar Liqası
III təsnifat mərhələsi
Cavab oyunu
20:30. “Qarabağ” (Azərbaycan) – “Viktoriya” (Çexiya)
Bakı. Tofiq Bəhramov adına Respublika stadionu
İlk oyun – 0:0
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!