Azərbaycan, İran və Rusiya prezidentləri avqustun 8-də Bakıda keçiriləcək görüşdə beynəlxalq gündəlikdə olan məsələləri, habelə energetika və nəqliyyat sahəsindəki tərəfdaşlıq məsələlərini müzakirə edəcəklər.
"RİA Novosti" agentliyinin verdiyi xəbərə görə, bu barədə Kremldən bildirilib.
Rusiya prezidentinin administrasiyasından bildiriblər ki, bu formatda görüş ilk olacaq. “Vladimir Putin, İlham Əliyev və Həsən Ruhani beynəlxalq və regional siyasətin aktual məsələlərini, praktiki əməkdaşlığın perspektivlərini, xüsusən də energetika və nəqliyyat sferalarındakı aktual məsələləri müzakirə edəcəklər. Bakıya səfəri çərçivəsində Rusiya prezidentinin Azərbaycan və İran liderləri ilə ikitərəfli danışıqları planlaşdırılıb”, - deyə Kremlin məlumatında deyilir.
Qeyd edək ki, bundan öncə Rusiya, İran və Azərbaycan prezidentlərinin üçtərəfli görüşünün avqustun 8-i Bakıda keçiriləcəyi barədə məlumat yayılıb.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!