USD - EUR - RUB - TRY - DAHA ÇOX
YENİLİKLƏR
Mənəvi dəyərlər: Əxlaq və din Mərkəzi Bankın departament direktoru ASAN Radioda sualları cavablandıracaq  “ASAN Həyat” verilişində “Baku FinTech Forum 2023” tədbiri barədə danışılacaq "Su Gündəmi" verilişində mütəxəssislərə sual verə bilərsiniz "Həyat sığorta ilə rahat"
Azərbaycan e-hökumətin qurulmasında böyük uğurlar əldə edib

Azərbaycan elektron hökumətin qurulmasında böyük uğurlar əldə edib. Bunu Trend-ə Rabitə və Yüksək Texnologiyalar Nazirliyinin Məlumat Hesablama Mərkəzinin “Elektron hökumət” portalının əlaqələndiricisi Cəmşid Naxçıvanski deyib.

Onun sözlərinə görə, bu, BMT-nin elektron hökumətin inkişaf səviyyəsi üzrə reytinqində (E-Government Survey 2016) yüksək qiymət almaqda mühüm amillərdən biri oldu: “BMT-nin son iki ildə açıqladığı reytinqlərə diqqət yetirsək, Azərbaycanın e-hökumətin inkişaf indeksi üzrə 12 bənd irəliləyərək 56-cı mövqedə qərarlaşdığını görərik. Əvvəlki reytinqdə ölkəmiz bu göstərici üzrə 68-ci yerdə idi. 30 bəndlik mövcud sıçrayış isə elektron iştirakçılıq indeksi üzrə qeydə alınıb. Bu göstərici üzrə ölkəmiz 77-dən 47-ci yerə yüksəlib”.

C.Naxçıvanski bildirib ki, e-hökumətin inkişaf indeksinin əsas meyarları elektron xidmətlərin hazırlanması və bu xidmətlərin göstərilməsidir: “Azərbaycan bu sahədə çox böyük uğurlar əldə edib. Məsələn, elektron iştirakçılıq indeksi elektron xidmətlərin nə dərəcədə əhalinin tələbatına uyğun istifadə olunması ilə qiymətləndirilir. 2016-cı ilin birinci yarısında Azərbaycanın “Elektron hökumət” portalında əlçatan olan elektron xidmətlərə görə müraciətlərin sayı 8 milyon artıb ki, bu da portalın istifadəyə verilməsindən etibarən e-xidmətlərlə bağlı müraciətlərin ümumi sayının 30 faizinə bərabərdir. Bu, açıq-aydın göstərir ki, portala çox böyük tələbatla istifadə olunan və vətəndaşların ehtiyaclarını tam təmin edən elektron xidmətlər inteqrasiya etdirilir”.

Əlaqələndiricinin sözlərinə görə, Rabitə və Yüksək Texnologiyalar Nazirliyi e-hökumət portalının operatoru olaraq, digər dövlət qurumları ilə sıx əməkdaşlıq edir və vətəndaşlar üçün elektron xidmətlərin formalaşdırılmasında əsas rol oynayır: “Məsələn, bu gün Əmək və Əhalinin Sosial Müdafiəsi Nazirliyinin VEMTAS sistemi vasitəsilə göstərilən e-xidmətlərindən çox böyük tələbatla istifadə olunur. Həmçinin Dövlət Gömrük Komitəsinin elektron bəyannamə xidmətinə böyük tələbat var. Son aylarda bu xidmətlərə görə müraciətlərin sayı üzrə statistik göstəricilər təqribən 1 milyona çatır. Hazırda portala 41 dövlət qurumunun 423 elektron xidməti inteqrasiya etdirilib”.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 44
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 44 (daxili 80695)

“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb. 

24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb. 

“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.

“ASAN Radio” dövlət xidmətləri sahəsində ixtisaslaşan ilk və yeganə radiodur.

Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır. 

Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir. 

“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır. 

Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz. 

“ASAN Radio” - Dəqiq, Operativ, Faydalı!