FİFA milli komandaların reytinq siyahısını açıqlayıb. "ASAN Radio" xəbər verir ki, hesabında 253 xal olan Azərbaycan 136-cı yerdə qərarlaşıb.

Hesabat dövründə heç bir matç keçirmədiyindən yığmamızın xal hesabı dəyişməyib. Amma Robert Prosineçkinin yetirmələri ötən ay açıqlanan siyahı ilə müqayisədə 1 pillə irəliləyib.

Buna digər ölkələrin nəticələri səbəb olub. Ötən ay millimizi qabaqlayan Salvador 12, Kuba 30 pillə geriləməklə daha aşağı yerlərə yuvarlanıb. Mərkəzi amerikalıları keçən millimiz bunadək eyni nəticəyə malik olduğu Anqoladan geri düşüb. Beləliklə, iki ölkəni keçib, birini öndə buraxan yığmamız 137-ci pilləni 136-cı yerə dəyişib.

Dünyanın 14-cü “onluğ”u

131 (134). Kurasao – 261

132 (137). Anqola - 259

133 (130). Niger - 257

134 (135). Filippin – 256

135 (136). Farer adaları – 255

136 (137). AZƏRBAYCAN – 253

137 (125). Salvador - 244

138 (139). Dominikan Respublikası – 243

138 (139). Makedoniya - 243

138 (139). Vyetnam - 243

Dünyanın ən güclü 10 komandasının mövqeyində də heç bir dəyişiklik olmayıb. Buradakı liderlərin nəinki yeri, heç xalı da dəyişməyib. Argentina zirvədə, Belçika 2-ci, Kolumbiya 3-cü pillədə qərarlaşıb.

İlk “onluq”

1 (1). Argentina – 1585

2 (2). Belçika – 1401

3 (3). Kolumbiya – 1331

4 (4). Almaniya – 1319

5 (5). Çili – 1316

6 (6). Portuqaliya – 1266

7 (7). Fransa – 1189

8 (8). İspaniya – 1165

9 (9). Braziliya – 1156

10 (10). İtaliya – 1155

Millimizin DÇ-2018-in seçmə mərhələsindəki rəqiblərindən Almaniya, Şimali İrlandiya və San-Marinonun mövqeyi dəyişməyib. Çexiya ilə Norveç isə bir pillə geriləyib.

DÇ-2018-in seçmə mərhələsi, Avropa zonası üzrə C qrupu

4 (4). Almaniya – 1319

28 (28). Şimali İrlandiya - 822

34 (33). Çexiya - 768

50 (49). Norveç - 588

200 (200). San-Marino – 20

Qeyd edək ki, qonşu Türkiyə yığması Macarıstanla birlikdə 19-cu yerə şərikdi. Mövqeyi dəyişməz qalan “ay-ulduzlular” 915 xala malikdi.