Rio-de-Janeyroda keçirilən XXXI Yay Olimpiya Oyunları davam edir. ASAN Radionun məlumatına görə, yarışların XIII günündə Azərbaycan yığmasının 5 idmançısı mübarizə aparacaq.
Boksçumuz Kamran Şahsuvarlı (75 kq) yarımfinal mərhələsində döyüşəcəyi halda kanoeçi Aleksandr Demyanenko və kayakçı İnna Osipenko-Radomskaya finalda mübarizə aparacaqlar.
Xanım güləşçimiz Natalya Sinişin (53 kq) və triatlonçu Rostislav Pevtsov isə Olimpiadada debüt edəcəklər.
Bugünkü medal şanslarımıza gəlincə isə, yarımfinala yüksəlməklə bürünc medalı təmin etmiş Kamran Şahsuvarlı bu dəfə də qalib gəlsə, ən az gümüş medalı təmin edəcək.
Digər 4 təmsilçimiz üçün isə gün həlledici olacaq. Belə ki, finalda yarışacaq milliləşən avarçəkənlərimizlə yanaşı Sinişin və Pevtsovun da günü medalla başa vurmaq şansı var.
Olimpiya Oyunları
XIII gün
Kanoe Sprint
200 metr
Final
16:23. Aleksandr Demyanenko
Kayak
500 metr
Final
17:11. İnna Osipenko-Radomskaya
Güləş
1/8 final
17:00. Natalya Sinişin (53 kq) – Saori Yoşida (Yaponiya)
Triatlon
Final
18:00. Rostislav Pevtsov
Boks
Yarımfinal
22:00. Kamran Şahsuvarlı (75 kq) – Arlen Lopez (Kuba)
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!