Bu gün qardaş Türkiyənin milli bayramı olan 30 avqust - Zəfər Bayramı qeyd olunur.

ASAN Radio xəbər verir ki, bu bayram Osmanlı imperiyasının tamamı ilə işğal edilib, ordusunun buraxılmasından sonra Türk millətinin işğalçı dövlətlər üzərindəki möhtəşəm qələbəsini göstərən önəmli bayramdır. O zaman Mustafa Kamalın başçılıq etdiyi cəsur və fədəkar türk milləti siyasi və mənəvi iflasa uğramış imperiyanın xarabalıqlarından bugünkü Türkiyə Cumhuriyyətini dirçəltmək üçün böyük mücadilə və qurbanlar veriblər. Zəfər bayramı Türkiyə Cumhuriyyətinin milli bayramıdır. Hər il avqustun 30-da qeyd olunur. 

Zəfər bayramı 1922-ci ilin 26 avqustunda başlayıb 30 avqustda Dumlupınarda Mustafa Kamalın Paşanın baş komandanlığı altında qələbəylə nəticələnən "Başkomutanlıq Meydan Müharibəsi"ni (Böyük Taarruz) anmaq üçün qutlanan bayramdır. 30 avqust simvolik olaraq Türkiyə Cümhuriyyəti torpaqlarının işğalçılardan təmizləndiyi günü təmsil edir. Zəfər bayramı ilk dəfə 30 avqust 1923-cü ildə Afyonqarahisar, Ankara və İzmirdə qutlanıb. Rəsmi olaraq Zəfər bayramı 1936-ci ilin may ayında elan olunub. Zəfər bayramı günü bütün ölkədə təntənəli mərasimlər keçirilir. 

Qəhrəman türk əsgəri 1918-ci ildə öz canını bu vətən üçün fəda edərək zəfər bayrağını Azərbaycan torpaqlarında da dalğalandırıb və xalqımızı rus-erməni qoşunlarının həyata keçirdiyi soyqırımlardan xilas edib.