USD - EUR - RUB - TRY - DAHA ÇOX
YENİLİKLƏR
Mənəvi dəyərlər: Əxlaq və din Mərkəzi Bankın departament direktoru ASAN Radioda sualları cavablandıracaq  “ASAN Həyat” verilişində “Baku FinTech Forum 2023” tədbiri barədə danışılacaq "Su Gündəmi" verilişində mütəxəssislərə sual verə bilərsiniz "Həyat sığorta ilə rahat"
Ombudsman BMT-nin İnsan Hüquqları Şurasının 33-cü sessiyasında iştirak edib

Azərbaycan Respublikasının insan hüquqları üzrə müvəkkili Elmira Süleymanova sentyabrın 13-14-də Cenevrədə BMT-nin İnsan Hüquqları Şurasının 33-cü sessiyasında iştirak edib. Bu barədə ASAN Radioya Ombudsman Aparatının mətbuat xidmətindən məlumat verilib.

Beynəlxalq Koordinasiya Komitəsinin ən yüksək “A” statusuna malik olan Azərbaycan Ombudsman təsisatı mütəmadi şəkildə bu Şuranın sessiyalarında fəal təmsil olunur, sessiyanın gündəliyinə uyğun olaraq Şuraya həm yazılı, həm də şifahi bəyanatlar təqdim edir.

Şuranın budəfəki sessiyasına da gündəliyə uyğun olaraq müvəkkilin insan hüquqları sahəsində təhsil və inkişaf hüququ ilə bağlı iki yazılı bəyanatı təqdim edilərək qeydiyyatdan keçirilib və həmin bəyanatlar iclas zamanı iştirakçı ölkələr arasında paylanıb.

Bəyanatlarda müvəkkilin təşəbbüsü ilə Bakı Dövlət Universitetində “İnsan hüquqları” və “Genderə giriş” fənləri, həmçinin Təhsil Nazirliyi ilə əməkdaşlıqda orta ümumtəhsil məktəblərində həyata keçirilən uşaq hüquqları üzrə pilləli tədris proqramı çərçivəsində şagirdlərə uşaq hüquqları tədris edilməsi, Avropa Uşaq Hüquqları Ombudsmanları Şəbəkəsi tərəfindən həyata keçirilən Avropa Gənc Məsləhətçilər Şəbəkəsi layihəsinin həyata keçirilməsi, əhalinin müxtəlif qruplarının hüquqlarının təmin olunmasına, onların inkişafına və sosial rifah halının yüksəldilməsinə yönəlmiş strateji hədəfləri müəyyən edən və “Azərbaycan 2020: gələcəyə baxış” İnkişaf Konsepsiyası, Azərbaycan gəncliyinin inkişafı, dünyaya inteqrasiyası məsələlərinin tənzimlənməsi, gənclər, bədən tərbiyəsi və idman siyasətini tənzimləyən hüquqi bazanın təkmilləşdirilməsi məqsədilə ölkəmizdə “2015-2025-ci illərdə Azərbaycan Gənclərinin İnkişaf Strategiyası” barədə məlumatlar yer alıb.

Müvəkkil səfər çərçivəsində BMT-nin İnsan Hüquqları üzrə Ali Komissarlığının Amerika, Avropa və Mərkəzi Asiya üzrə şöbəsinin rəhbəri, İnsan Hüquqları üzrə Ali Komissarlığın milli institutlar və regional mexanizmlər bölməsinin rəhbəri, milli insan hüquqları institutlarının qlobal alyansının Cenevrə üzrə təmsilçisi və digər rəsmilər ilə səmərəli görüşlər keçirib.

Həmin görüşlərdə müvəkkil Azərbaycan Ombudsman təsisatının BMT ilə yaxın əməkdaşlıq əlaqələrindən söz açıb, təsisatın Milli İnsan Hüquqları İnstitutlarının Qlobal Alyansının üzvü olaraq bu qurumun işindəki fəaliyyəti barədə məlumat verib.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 44
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 44 (daxili 80695)

“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb. 

24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb. 

“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.

“ASAN Radio” dövlət xidmətləri sahəsində ixtisaslaşan ilk və yeganə radiodur.

Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır. 

Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir. 

“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır. 

Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz. 

“ASAN Radio” - Dəqiq, Operativ, Faydalı!