Sumqayıt “ASAN xidmət” mərkəzinin könüllüləri tərəfindən hazırlanan “Xocalıyıq” adlı filmin təqdimat mərasimi keçirilib.
Tədbirdə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov çıxış edərək tarixin qan yaddaşı olan Xocalı faciəsi, ermənilərin törətdikləri vəhşiliklər barədə məlumat verib və Xocalı soyqırımı ilə bağlı həqiqətlərin dünya ictimaiyyətinin nəzərinə çatdırılmasında Heydər Əliyev Fondunun vitse-prezidenti Leyla Əliyevanın təşəbbüsü ilə başlanılan “Xocalıya Ədalət” Beynəlxalq Kampaniyasının əhəmiyyətini vurğulayıb. O, gəncləri Xocalı soyqırımı barədə maarifləndirmə işinə öz töhfələrini verməyə, bu Kampaniyaya dəstək olmağa çağırıb.
Daha sonra çıxış edən Xocalı Rayon İcra Hakimiyyətinin başçısı Şahmar Usubov qanlı faciənin tarixindən, sənədli filmlərin Xocalı soyqırımının tanıdılmasındakı əhəmiyyətindən danışıb.
Tədbirin sonunda Xocalı soyqırımı ilə bağlı həqiqətlərin əks olunduğu sənədli film nümayiş olunub.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!