İsrailin sabiq Prezidenti Şimon Peresin dəfni sentyabrın 30-na təyin olunub.
ASAN Radio TASS informasiya agentliyinə istinadla xəbər verir ki, Şimon Pereslə rəsmi vida mərasimi isə sentyabrın 29-da keçiriləcək.
Bir qədər əvvəl “Tel ha-Şomer” klinikasında keçirilən mətbuat konfransında Şimon Peresin oğlu atasının vəfatı barədə məlumat verib.
Xatırladaq ki, İsrailin 9-cu prezidenti Şimon Peres sentyabrın 13-də özünü zəif hiss etdiyindən “Tel ha-Şomer” klinikasına yerləşdirilib. Aparılan kompyuter tomoqrafiyasından sonra onun beyninə qan sızdığı məlum olub. Həkimlərin cəhdlərinə baxmayaraq, 94 yaşlı siyasətçi sentyabrın 28-də vəfat edib.
Haaretz qəzetinin yaydığı məlumata görə, ABŞ Prezidenti Barak Obama, Kanadanın Baş naziri Castin Tryüdo, Amerikanın sabiq lideri Bill Klinton, Demokratik Partiyadan Birləşmiş Ştatlar prezidenti postuna namizəd Hillari Klinton Şimon Peresin dəfnində iştirak etmək üçün İsrailə gəlmək niyyətindədirlər.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!