Ölkə çempionu “Qarabağ” bu gün beynəlxalq arenada növbəti sınağına çıxacaq.
Apasport.az saytının məlumatına görə, Ağdam klubu Avropa Liqasının qrup mərhələsi çərçivəsində “Fiorentina”nın qonağı olacaq.
İlk turda Bakıda “Slovan”la heç-heçə edən “Qarabağ”ı bu dəfə daha çətin oyun gözləyir. Rəqib meydanlardakı son 6 matçda “Qarabağ” qələbə üzü görməyib, cəmi 2 heç-heçə ilə təsəlli tapıb.
Roman Qriqorçukun yetirmələri isə Bakıda Almaniyanın “Maynts” klubunu qəbul edəcəklər. İlk turda səfərdə “Anderlext”lə bacarmayan “Qəbələ”ni bu dəfə də çətin sınaq gözləyir. Bununla belə, cari mövsümdə Avroliqanın hər 4 təsnifat mərhələsində doğma meydanda qalibiyyətə sevinən “Qəbələ” ənənəni davam etdirmək niyyətindədir. Təmsilçimiz bu görüşə itkilərlə çıxacaq. Belə ki, cəzalı Teo Uiks və zədəli Nika Kvekveskiri “qırmızı-qaralar”a vacib qarşılaşmada kömək edə bilməyəcəklər.
Avropa Liqası
Qrup mərhələsi
II tur
J qrupu
19:00. “Qəbələ” – “Maynts” (Almaniya)
Baş hakim: Gediminas Majeyka
Bakı. 8-ci km qəsəbə stadionu
C qrupu
21:00. “Qarabağ” - “Fiorentina” (İtaliya)
Baş hakim: Oliver Draxta
Florensiya. “Artemio Franki” stadionu
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!