USD - 1.7 EUR - 1.9292 RUB - 0.0255 TRY - 0.3157 DAHA ÇOX
SON DƏQİQƏ
Tanınmış futbol fristayleri Bakıya gələcək Fransa Prezidenti: “Dağlıq Qarabağ münaqişəsinin tənzimlənməsi üçün səylərimizi davam etdirəcəyik” Şəhid hərbi qulluqçuların daha 423 vərəsəsinə birdəfəlik ödəmələr veriləcək Prezident İlham Əliyev: Səhiyyə sahəsindəki islahatlar bir məqsədi güdür ki, Azərbaycan vətəndaşları sağlam olsunlar, yüksək səviyyəli tibbi xidmət ala bilsinlər Ermənistanda baş leytenant xidmət yoldaşını güllələdi
Stepan Mesiç: “Qərbdə elə bir jurnalistika yaradılıb ki, yalnız sözdə müstəqildir”

“Dünyada nifrətin artdığını görürük. Belə şəraitdə dinlərarası dialoqdan danışmaq çətindir. Bunun səbəbi bir-birimizdən uzaqlaşmağımızdır”.

ASAN Radionun məlumatına görə, bu sözləri V Bakı Beynəlxalq Humanitar Forumu çərçivəsində keçirilən panel müzakirələrində çıxış edən Xorvatiyanın sabiq prezidenti Stepan Mesiç deyib. O bildirib ki, beynəlxalq kommunikasiyanın inkişaf etdiyi bir dövrdə müxtəlif xalqlar şovinist, millətçilik əhval-ruhiyyəsinə bürünür: “Dinlərarası və mədəniyyətlərarası dialoqun təşviqində jurnalistikanın rolunu xüsusi qeyd etmək istəyirəm. Mən prezident olduğum dövrdə qondarma jurnalistlərin dinlərarası və mədəniyyətlərarası dialoqa nə qədər ziyan vurduğunu görürdüm. Mən indi əsl jurnalistikadan danışmaq istəyirəm. Bu gün sosial şəbəkələrdə bəzi reklamçılar, hətta bəzi siyasətçilər özlərini bir məhsul kimi cəmiyyətə satmaq istəyirlər. Əsl jurnalistika isə insanları bir-birinə yaxınlaşdırmalıdır. Mən prezident olduğum dövrdə əcnəbilərin daha çox Xorvatiyaya gəlməsini, xorvatların xarici ölkələrə getməsini təşviq edirdim. Çünki insanlar ölkələrə getdikcə həqiqətləri özləri görürlər”.

S. Mesiçin fikrincə, Qərbdə elə bir jurnalistika yaradılıb ki, yalnız sözdə müstəqildir: “Ancaq o jurnalistlər sahiblərindən daha çox əziyyət çəkir. Məsələn, BBC telekanalı Hələbdə durumun faciəli olduğunu, Rusiya telekanalı isə Hələbə humanitar yardımın gəlməsini göstərir. Əsl müstəqil jurnalistika hər iki halı işıqlandırardı. Təəssüf ki, bu gün belə jurnalistika cəmiyyəti manipulyasiya etməyə çalışır. Məsələn, Liviya hadisələri zamanı hadisələr bir rakursdan göstərilirdi”.

S. Mesiçin sözlərinə görə, Suriyada legitim hakimiyyətə qarşı beynəlxalq ictimaiyyətdə nifrət yaradılması üçün hətta 5 yaşlı uşaqlardan belə təbliğati məqsədlə istifadə edilməsi hallarına rast gəlinir: “Mən ləyaqətli jurnalistikanın təşviqinə çağırıram. Mən jurnalistlərə azadlığın qaytarılmasını tələb edirəm. Yuqoslaviya bu yaxınlara qədər vahid dövlət idi, sonra qanlı savaş oldu, dövlətlər ayrıldı. Bu qanlı savaşın təməlini siyasətçilərin sifarişi ilə jurnalistlər hazırladı. Biz bu gün Hantinqtonun sivilizasiyaların toqquşması nəzəriyyəsinin praktikada şahidi oluruq. Din siyasətdən ayrı olmalıdır. Jurnalistika isə peşəkar insanlar məşğul olmalıdır”.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio