USD - EUR - RUB - TRY - DAHA ÇOX
YENİLİKLƏR
Mənəvi dəyərlər: Əxlaq və din Mərkəzi Bankın departament direktoru ASAN Radioda sualları cavablandıracaq  “ASAN Həyat” verilişində “Baku FinTech Forum 2023” tədbiri barədə danışılacaq "Su Gündəmi" verilişində mütəxəssislərə sual verə bilərsiniz "Həyat sığorta ilə rahat"
BMT Təhlükəsizlik Şurasına sədrlik Rusiyaya keçib

BMT Təhlükəsizlik Şurasında (TŞ) sədrlik oktyabrın 1-də Rusiyaya keçib.

ASAN Radionun RİA Novosti agentliyinə istinadən verdiyi məlumata görə, Rusiya sədrliyi Yeni Zelandiyadan təhvil alıb və noyabrın 1-də Seneqala verəcək.  

Rusiyanın TŞ sədri olacağı oktyabr ayı ərzində 20-dək iclasın keçirilməsi gözlənilir. İlk iclas oktyabrın 3-də olacaq.  

Oktyabr ayı ərzində BMT TŞ-nın iclaslarının əsas gündəliyi də açıqlanıb. Rusiyanın sədrliyi dövründə BMT TŞ-də Afrikadakı münaqişələr, həmçinin Yaxın Şərqdəki vəziyyət - Suriya, Livan, Yəməndəki durum əsas müzakirə mövzusu olacaq.

Rusiyanın sədrliyinin ən əhəmiyyətli məsələlərindən biri isə BMT-nin baş katibliyinə namizədlərlə bağlı səsvermənin keçirilməsidir. Belə ki, oktyabrın 5-də TŞ-də BMT baş katibi postuna namizədlərlə bağlı yeni formatda səsvermə keçiriləcək. Bu il iyulun 21-dən TŞ üzvləri artıq səsvermənin 5 raundunu keçiriblər. Bütün səsvermələrdə Portuqaliyanın keçmiş baş naziri Antonio Qutiyeres lider olub. Oktyabrın 5-də isə TŞ-nin daimi və qeyri-daimi üzvlərinin səsvermə bülletenləri rənginə görə fərqlənəcək. Məqsəd namizədin TŞ-nin beş daimi üzvü - Böyük Britaniya, Çin, Rusiya, ABŞ və Fransa (bu ölkələrin veto hüququ var) tərəfindən dəstəkləməsini müəyyənləşdirməkdir.

Baş katib postuna namizəd 5 daimi üzvün hamısı və 10 qeyri-daimi üzvdən ən azı 4-ü olmaqla 9 səs qazanmalıdır.

BMT baş katibi postu uğrunda 10 nəfər mübarizə aparır. Onların arasında Serbiyanın sabiq xarici işlər naziri Vuk Yeremiç səsvermələrdə ikinci, Slovakiyanın sabiq XİN başçısı Miroslav Layçak isə üçüncüdür. Baş katib postu uğrunda yarışanlar arasında UNESCO-nin baş direktoru İrina Bokova da var.

Qeyd edək ki, BMT TŞ-də 15 dövlət təmsil olunur. Onlardan beşi daimi, 10-u isə 2 il müddətinə seçilmiş qeyri-daimi üzvdür. Hazırda qeyri-daimi üzv ölkələr Anqola, Venesuela, Misir, İspaniya, Malayziya, Yeni Zelandiya, Seneqal, Ukrayna, Uruqvay və Yaponiyadır.

Azərbaycan da 2012-2013-cü illərdə BMT TŞ-nin qeyri-daimi üzvü olub.

BMT TŞ-yə sədrlik 15 üzv arasından əlifba sırası ilə müəyyənləşir. Sədrlik 1 ay çəkir. 

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 44
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 44 (daxili 80695)

“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb. 

24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb. 

“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.

“ASAN Radio” dövlət xidmətləri sahəsində ixtisaslaşan ilk və yeganə radiodur.

Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır. 

Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir. 

“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır. 

Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz. 

“ASAN Radio” - Dəqiq, Operativ, Faydalı!