Azərbaycandakı Katolik kilsəsinin ordinarisi Vladimir Fekete Roma Papası Fransiskin iştirakı ilə kilsədə baş tutan dua mərasimindən sonra Papaya təşəkkür edib.
ASAN Radionun məlumatına görə, o çıxışında bildirib ki, bu gün Azərbaycandakı yerli kilsə və ölkənin bütün xalqı Rəbbdən qeyri adi hədiyyə alıb.
Katolik kilsəsinin ordinarisi deyib ki, Roma Papasına Azərbaycan Apostol Prefekturasının bütün imamları, keşişləri, rahibləri adından burada olduğu, moizə zamanı təşviqi sözləri və öz həyatını tamamilə Allahın padşahlığına həsr edərək nümunə olduğu üçün dərin minnətdarlığımızı bildirir: “Sizdən xahiş edirik ki, bizimlə birlikdə Qafqazda barışıq və sülh üçün dua etməyə davam edəsiniz”.
Daha sonra üzərində Bakıdakı katolik Kilsəsinin şəkli olan xalça Roma Papasına hədiyyə edilib. Papa çıxışı edib və xeyirxah işlərə imza atan Selezian ailəsinə salamlarını çatdırıb: “İnsanlara xidmət etmək üçün həyata keçirdiyiniz işləri davam etdirin”.
Bununla da mərasim başa çatıb.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!