USD - EUR - RUB - TRY - DAHA ÇOX
YENİLİKLƏR
Mənəvi dəyərlər: Əxlaq və din Mərkəzi Bankın departament direktoru ASAN Radioda sualları cavablandıracaq  “ASAN Həyat” verilişində “Baku FinTech Forum 2023” tədbiri barədə danışılacaq "Su Gündəmi" verilişində mütəxəssislərə sual verə bilərsiniz "Həyat sığorta ilə rahat"
Baş nazir Nəvaz Şərif: Azərbaycan-Pakistan münasibətləri ən yüksək səviyyədədir

ASAN Radio xəbər verir ki, Pakistanın Baş naziri Nəvaz Şərif Azərbaycanın bu ölkədəki səfiri Əli Əlizadə ilə görüşüb.

Səfir Azərbaycan Prezidenti İlham Əliyevin salamlarını və xoş arzularını Baş nazir Nəvaz Şərifə çatdırıb. O, dövlətimizin başçısının Pakistanla əlaqələrə xüsusi önəm verdiyini, Pakistanın Azərbaycan üçün dost və qardaş ölkə olduğunu qeyd edib.

Səfir ölkələrimiz arasında münasibətlərin inkişaf etdiyini, beynəlxalq məsələlərdə hər iki ölkənin bir-birinin mövqeyini dəstəklədiklərini qeyd edərək bu əlaqələrin inkişafında Azərbaycan və Pakistan prezidentlərinin xüsusi rolunun olduğunu vurğulayıb. Diplomat Pakistanın Azərbaycan torpaqlarını işğal edən Ermənistanı bir dövlət kimi tanımamasının Azərbaycan dövləti və xalqı tərəfindən yüksək qiymətləndirildiyini qeyd edib.

O, Azərbaycanın da hər zaman Pakistanın yanında olduğunu, İslam Əməkdaşlıq Təşkilatının Kəşmir üzrə Təmas Qrupunun üzvü kimi bu məsələnin BMT-nin Təhlükəsizlik Şurasının qəbul edilmiş qətnamələri əsasında tezliklə həll olunmasına tərəfdar olduğunu bildirib.

Səfir Heydər Əliyev Fondunun prezidenti, Azərbaycanın birinci xanımı Mehriban Əliyevanın təşəbbüsü və dəstəyi ilə Pakistanın müxtəlif bölgələrində həyata keçirilən humanitar və sosialyönümlü layihələrin xalqlarımız arasında mövcud qardaşlıq münasibətlərinin inkişafına xüsusi töhfə verdiyini vurğulayaraq bu layihələrin gələcəkdə də davam etdiriləcəyini bildirib.

Nəvaz Şərif salamlarını və ehtiramını Azərbaycan Prezidenti İlham Əliyevə çatdırmağı xahiş edib, Azərbaycan dövlətinin başçısı ilə yaxın dostluq əlaqələrinin olduğunu vurğulayıb. O, Davos Forumunda və digər yüksək səviyyəli tədbirlərdə dövlətimizin başçısı ilə görüşlərini xatırlayıb. Baş nazir Azərbaycan-Pakistan dövlətlərarası əlaqələrinin, həmçinin iki xalqın qardaşlıq münasibətlərinin ən yüksək səviyyəyə çatdığını bildirib.

Pakistanın hər zaman Azərbaycanın yanında olduğunu bildirən Baş nazir Ermənistan-Azərbaycan, Dağlıq Qarabağ məsələsində Azərbaycana tam dəstəyin davam etdiriləcəyini vurğulayıb.

Nəvaz Şərif iki ölkə arasında möhkəm siyasi münasibətlərlə yanaşı, ticari-iqtisadi və digər sahələrdə əlaqələrin daha da inkişaf etdirilməsi üçün geniş potensialın və imkanların olduğunu bildirib.

Pakistanın Azərbaycanla iqtisadi əlaqələrin daha da inkişafını dəstəklədiyini bildirən Nəvaz Şərif Əli Əlizadayə səfir kimi fəaliyyətində uğurlar arzulayıb.

Görüşdə Pakistan Baş nazirinin yaxın günlərdə Azərbaycana nəzərdə tutulan səfəri ilə bağlı fikir mübadiləsi aparılıb.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 44
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 44 (daxili 80695)

“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb. 

24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb. 

“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.

“ASAN Radio” dövlət xidmətləri sahəsində ixtisaslaşan ilk və yeganə radiodur.

Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır. 

Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir. 

“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır. 

Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz. 

“ASAN Radio” - Dəqiq, Operativ, Faydalı!