Asiya və Sakit Okean Ölkələri İnformasiya Agentlikləri Təşkilatına (OANA) 2016-2019-cu illərdə sədrlik Rusiyanın TASS agentliyindən AZƏRTAC-a keçib.
Bu barədə qərar Heydər Əliyev Fondunun və AZƏRTAC-ın birgə təşkilatçılığı ilə Asiya və Sakit Okean Ölkələri İnformasiya Agentlikləri Təşkilatının Bakıda keçirilən XVI Baş Assambleyasında təsdiqlənib.
Assambleyada AZƏRTAC-ın baş direktoru Aslan Aslanov OANA-nın prezidenti vəzifəsinin icrasına başlayıb.
Tədbirdə, həmçinin İcraiyyə Komitəsinin yeni üzvləri seçilib.
Qeyd edək ki, AZƏRTAC OANA-ya 2004-cü ilin sentyabrında üzv qəbul olunub. 2007-ci il dekabrın 12-də OANA-nın İndoneziyanın paytaxtı Cakartada keçirilən XIII Baş Assambleyasında AZƏRTAC bu qurumun rəhbər orqanı olan İcraiyyə Komitəsinin üzvü, 2013-cü il sentyabrın 18-22-də Moskvada keçirilən XV Baş Assambleyada AZƏRTAC-ın baş direktoru OANA-nın vitse-prezidentlərindən biri seçilib. Həmin toplantıda gizli səsvermə nəticəsində AZƏRTAC 2016-2019-cu illərdə bu təşkilata sədrlik etmək hüququ qazanıb.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!