ASAN Radio sürücülük vəsiqəsinin hansı hallarda dəyişdirilməsinin vacib olduğunu və bunun üçün hansı sənədlərin tələb olunduğunu açıqlayır.
Beləliklə, sürücülük vəsiqəsi sənədin etibarlıq müddəti bitdikdə, soyad, ad və ya ata adında dəyişiklik olduqda, yazılarda hər hansı səhv olduqda, yarasız hala düşdükdə dəyişdirilməlidir. Sürücülük vəsiqəsinin yeni nümunəsi Qanunla müəyyən edilmiş qaydada təsdiqlənərsə, sənəd yenisi ilə əvəz olunmalıdır. Sürücülük vəsiqəsinin dəyişdirilməsi sahibinin əvvəllər malik olduğu bütün kateqoriyalar saxlanılmaqla, imtahansız həyata keçirilir. Sürücülük vəsiqəsinin dəyişdirilməsi üçün dövlət rüsumu 18 manatdır.
Sürücülük vəsiqəsini dəyişdirmək üçün:
Şəxsiyyət vəsiqəsi;
Dövlət rüsumunun ödənilməsi barədə sənəd;
60 və daha çox yaşı olan şəxslər üçün, eləcə də siyahısı Səhiyyə Nazirliyi tərəfindən müəyyən edilən xəstəlikləri olan şəxslər üçün tibbi arayış və hazırkı sürücülük vəsiqəsi tələb olunur.
Əgər sürücülük vəsiqəsi itibsə, bu zaman yalnız sadalanan digər 3 sənədi təqdim etmək lazımdır. Sürücülük vəsiqəsinin dəyişdirilməsi üçün dövlət rüsumu 18 manatdır.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!