26/03/2017 15:06

Valyuta USD EUR RUB TRY
Kurs 1.7202 1.8529 0.0298 0.4748


Dövlət xidmətləri

"ASAN xidmət" mərkəzlərində adın, ata adının və soyadının dəyişdirilməsi QAYDALARI


10.01.2017   12:16


ASAN Radio xəbər verir ki, "ASAN xidmət" mərkəzlərində adın, ata adının və soyadının dəyişdirilməsinin qeydə alınması üçün zəruri olan sənədlər aşağıdakılardır:

Adın, ata adının və soyadın dəyişdirilməsi haqqında ərizə;

Ərizə verən şəxsin doğumu haqqında şəhadətnamə;

Ərizə verən şəxs nikahdadırsa, bu haqda şəhadətnamə;

Ərizə verən şəxsin nikahı pozulubsa, bu haqda şəhadətnamə;

Ərizə verən şəxsin yetkinlik yaşına çatmayan uşaqları vardırsa, onların doğumu haqqında şəhadətnamələr;

Şəxsiyyəti təsdiq edən sənədin notariat qaydasında təsdiq olunan surəti;

İlkin hərbi qeydiyyata alınma haqqında vəsiqənin və ya hərbi biletin notariat qaydasında təsdiq edilən surəti;

Ərizə verən şəxsin 3x4sm ölçüdə 2 ədəd fotoşəkili;

Dövlət rüsumunun ödənilməsi barədə sənəd.

Qeyd: Hər iki valideynin soyadı dəyişdirildikdə, yetkinlik yaşına çatmayanların soyadı dəyişdirilir. Soyadı valideynlərdən biri dəyişdirərsə, onun yetkinlik yaşına çatmayan uşaqlarının soyadının dəyişdirilməsi məsələsi valideynlər arasında razılığa görə, razılıq olmadıqda isə yerli icra hakimiyyətinin qəyyumluq və himayə orqanı tərəfindən həll edilir.

İştirak etməli olan şəxslərin siyahısı:

Uşaq 18 yaşına çatanadək onun valideynləri;

Ərizə verən şəxsin özü;

Notariat qaydasında təsdiq olunan etibarnamə əsasında səlahiyyətli şəxslər.

Dövlət rüsumunun məbləği:

Adın, ata adının və soyadın dəyişdirilməsinin qeydə alınması üçün 10 manat dövlət rüsumu ödənilir.




Xəbər lenti

26 Mart
25 Mart
24 Mart







ASAN Radio telefonunuzda
Facebook